ലെൻസ്​ഫെഡ് ജില്ല സമ്മേളനം ഇന്ന്

കാസർകോട്​: ലെൻസ്​ഫെഡ് ജില്ല സമ്മേളനം ഞായറാഴ്ച രാവിലെ 10ന്​ കാസർകോട്​ ചിന്മയ ഓഡിറ്റോറിയത്തിൽ നടക്കുമെന്ന്​ സംഘാടകർ വാർത്തസമ്മേളനത്തിൽ അറിയിച്ചു. രാജ്മോഹൻ ഉണ്ണിത്താൻ ഉദ്ഘാടനം ചെയ്യും. ജില്ല പ്രസിഡൻറ്​ എ.സി. ജോഷി അധ്യക്ഷത വഹിക്കും. ഭൂരിഭാഗം സാധനങ്ങൾക്കുമുണ്ടായ ഭീമമായ വിലവർധനന നിർമാണ മേഖലക്ക് കനത്ത ആഘാതം ഏൽപിച്ചിരിക്കുകയാണ്. കമ്പി, സിമന്റ്, പ്ലംബിങ്, ഇലക്ട്രിക്കൽ ഹാർഡ് വെയർ, പെയിന്റ് തുടങ്ങിയവക്ക് 30 മുതൽ 50 ശതമാനംവരെ വിലക്കയറ്റമുണ്ടായി. നിർമാണ മേഖലയെ സംരക്ഷിക്കാൻ കേന്ദ്ര -സംസ്​ഥാന സർക്കാറുകൽ ഇടപെടണമെന്ന് ഭാരവാഹികൾ ആവശ്യപ്പെട്ടു. വാർത്തസമ്മേളനത്തിൽ സി.എസ്.​ വിനോദ് കുമാർ, എ.സി. ജോഷി, പി. രാജൻ, എൻ.വി. പവിത്രൻ, സാലി, കെ.സി. രമേശൻ, എൻ.വി. അനിൽ കുമാർ എന്നിവർ പങ്കെടുത്തു.