കെല്‍ ഇ.എം.എല്‍ ഏപ്രില്‍ ഒന്നിന് മുഖ്യമന്ത്രി നാടിന് സമര്‍പ്പിക്കും

കാസര്‍കോട്: ബദ്രടുക്കയിലെ കെല്‍ ഇ.എം.എല്‍ ഏപ്രില്‍ ഒന്നിനു മുഖ്യമന്ത്രി പിണറായി വിജയന്‍ നാടിന് സമര്‍പ്പിക്കും. തൊഴിലാളികളുടെ കര്‍മശേഷി ഉപയോഗപ്പെടുത്തിയും മെച്ചപ്പെട്ട സാങ്കേതിക വിദ്യ ഉപയോഗിച്ചും സംസ്ഥാന സര്‍ക്കാറിന്റെ സാമ്പത്തിക സഹായത്തോടെ വിപണി തിരിച്ചുപിടിക്കുകയാണ് ലക്ഷ്യമെന്ന് ചെയര്‍മാനും മാനേജിങ് ഡയറക്ടറുമായ എ.പി.എം. മുഹമ്മദ് ഹനീഷ് പറഞ്ഞു. സാങ്കേതിക മേഖലയിലും റെയിൽവേയിലും വൈദ്യുതി ഉപകരണങ്ങളുടെയും അനുബന്ധ ഉപകരണങ്ങളുടെയും വിപണി അവസരങ്ങള്‍ ഉപയോഗപ്പെടുത്താനാണ് ഉദ്ദേശിക്കുന്നതെന്നും അദ്ദേഹം പറഞ്ഞു.