ജൈവമാലിന്യ സംസ്കരണ റിങ് കമ്പോസ്റ്റ് തയാറാവുന്നു

നീലേശ്വരം: ഓരോ വീട്ടിലും മാലിന്യം സംസ്കരിക്കുന്ന പദ്ധതിയുമായി നഗരസഭാധികൃതർ. ജൈവമാലിന്യ സംസ്കരണത്തിന് നീലേശ്വരം പാലായിയിൽ നിർമിച്ചുകൊണ്ടിരിക്കുന്ന റിങ് കമ്പോസ്റ്റ് വിതരണത്തിന് തയാറായി. 2021-22 വാർഷിക പദ്ധതിയിൽ ഉൾപ്പെടുത്തിയ പ്രോജക്ട് പ്രകാരമാണ് ഗാർഹിക ജൈവ മാലിന്യ സംസ്കരണത്തിന് റിങ് കമ്പോസ്റ്റ് നഗരസഭ തയാറാക്കുന്നത്. റിങ് കമ്പോസ്‌റ്റിന്റെ ഒരു യൂനിറ്റാണ് ഒരു കുടുംബത്തിനാവശ്യമായിട്ടുള്ളത്. 2500 രൂപ വിലയുള്ള ഒരു യൂനിറ്റ് റിങ് കമ്പോസ്റ്റിന് ഗുണഭോക്തൃ വിഹിതമായി 250 രൂപ മാത്രമാണ് ഈടാക്കുന്നത്. നഗരസഭാ പ്രദേശത്തെ മുഴുവൻ വീടുകളിലും മാലിന്യ സംസ്കരണ സംവിധാനം ഒരുക്കുന്നതിന്റെ ഭാഗമായാണ് പാലായിയിൽ കമ്പനി നേരിട്ട് റിങ് കമ്പോസ്റ്റ് നിർമിക്കുന്നത്. മാർച്ച് 31നുള്ളിൽ പദ്ധതി തീർക്കേണ്ടതിനാൽ നിശ്ചിത സമയത്തിനുള്ളിൽ മുഴുവൻ റിങ് കമ്പോസ്റ്റുകളുടെയും നിർമാണം പൂർത്തീകരിക്കും. പടം: nlr ring compost പാലായിയിൽ നിർമിച്ചുകൊണ്ടിരിക്കുന്ന റിങ് കമ്പോസ്റ്റ്