കയനി സബ്​സ്​റ്റേഷൻ പ്രവൃത്തി അതിവേഗം

കാസർകോട്​: കരിന്തളം വില്ലേജിലെ 12 ഏക്കർ റവന്യൂ ഭൂമി പാട്ടത്തിന്​ നൽകാൻ മന്ത്രിസഭ അനുമതി നൽകിയതോടെ ഉഡുപ്പി-കാസർകോട്​ ട്രാൻസ്​മിഷ​ൻ ലിമിറ്റഡി​​ന്റെ 400 കെ.വി സബ്​ സ്​റ്റേഷൻ പ്രവൃത്തിക്ക്​ ​അതിവേഗം. പദ്ധതി വരുന്നതിനെതിരെ ആദ്യമുയർന്ന എല്ലാ പ്രതിഷേധവും സർക്കാർ ഭൂമിയിലാവുന്നതോടെ മാറുമെന്നതാണ്​ കമ്പനിയുടെ കണക്കുകൂട്ടൽ. അതിനാൽ വളരെ വേഗത്തിലാണ്​ പ്രവൃത്തി പുരോഗമിക്കുന്നത്​. കയനിയിലെ റവന്യൂ ഭൂമി 30 വർഷത്തേക്ക്​ പാട്ടത്തിന്​ നൽകാനാണ്​ സർക്കാറിന്റെ തീരുമാനം. 2-B6.1 കോടി ന്യായവില വരുന്ന ഭൂമിയാണിത്​. ഇതി​ന്റെ അഞ്ചു ​ശതമാനം പ്രതിവർഷം പാട്ടത്തുകയായി ലഭിക്കുന്ന വിധമാണ്​ കലക്​ടർ സർക്കാറിന്​ നൽകിയ ശിപാർശ. ന്യായവിലയിൽ മാറ്റം വരുത്താൻ സർക്കാറിന്​ അധികാരമുണ്ട്​. പാട്ടത്തിന്​ ഭൂമി ലഭ്യമാവുന്നതിനു മു​േമ്പ പദ്ധതി പ്രദേശത്ത്​ ജനറേറ്ററുകൾ എത്തിച്ചിട്ടുണ്ട്​. സ്​​റ്റർലൈറ്റ്​ പവർ കമ്പനിയുടെ സ്വകാര്യ വൈദ്യുതി പദ്ധതിയാണിത്​. കയ-Bനിയിലെ പത്തേക്കർ വരുന്ന വയലിലാണ്​ പദ്ധതി ആദ്യം പ്രഖ്യാപിച്ചിരുന്നത്​. എന്നാൽ, പ്രദേശവാസികൾ മുഴുവൻ പദ്ധതിക്കെതിരെ രംഗത്തുവന്നു. മാസങ്ങളോളം വെള്ളം കെട്ടിക്കിടക്കുന്ന ഏക്കർ കണക്കിന്​ വയലുകൾ ഒറ്റയടിക്ക്​ ഇല്ലാതാവുന്നതിനാൽ എല്ലാവരും ഒറ്റക്കെട്ടായി നിന്നു. പ്രദേശവാസികളുടെ സഞ്ചാരമാർഗവും കിണറുകളിലെ വെള്ളവും വറ്റുന്ന പദ്ധതിക്കെതിരെ നൂറോളം കുടുംബങ്ങൾ സമരസമിതിയുണ്ടാക്കി പ്രതിഷേധിച്ചു. ഒപ്പുശേഖരണം നടത്തി കലക്​ടർ ഉൾപ്പെടെയുള്ളവർക്ക്​ നൽകി. ഇതേ ചൊല്ലി സി.പി.എമ്മിൽ അഭിപ്രായവ്യത്യാസവും ഉടലെടുത്തു. പ്രദേശവാസികൾക്ക്​ പൈപ്പ്​ വെള്ളവും സഞ്ചാരത്തിന്​ ബദൽ റോഡുകളുമെല്ലാം കമ്പനി വാഗ്​ദാനം ചെയ്​തെങ്കിലും നാട്ടുകാർ വഴങ്ങിയില്ല. ഗത്യന്തരമില്ലാതെയാണ്​ വയലിൽനിന്ന്​ പദ്ധതി ഒഴിവാക്കാൻ കമ്പനി നിർബന്ധിതമായത്​. ഇതിനു സമീപമാണ്​ റവന്യൂ ഭൂമി പദ്ധതിക്കായി പാട്ടത്തിന്​ നൽകാൻ തീരുമാനിച്ചത്​. ജനവാസകേന്ദ്രമല്ലാത്തതിനാൽ റവന്യൂ ഭൂമിയിൽ സബ്​ സ്​റ്റേഷൻ സ്​ഥാപിക്കുന്നതിന്​ എതിർപ്പുക​ളൊന്നുമില്ല. ഉഡുപ്പിയിൽനിന്ന്​ ഉൽപാദിപ്പിക്കുന്ന വൈദ്യുതി കാസർകോട്​ വഴി വയനാട്​ ഭാഗത്തേക്ക്​ എത്തിക്കുകയാണ്​ ലക്ഷ്യം. ടവർ ലൈൻ സ്​ഥാപിക്കുന്ന പ്രദേശം വിലക്കു വാങ്ങിയാണ്​ പദ്ധതി നടപ്പാക്കുന്നത്​. ടവർ ലൈൻ പോകുന്ന വഴികളി​ലും ജനങ്ങൾ എതിർപ്പുമായി രംഗത്തുണ്ട്​. kayani power project കയനിയിലെ 400 കെ.വി സബ്സ്റ്റേഷൻ നിർമാണ പ്രദേശം