എസ്​.ഡി.പി.ഐ കലക്ടറേറ്റ്​ ധർണ

കാസർകോട്: സവർണ സംവരണം നടപ്പാക്കാൻ തിടുക്കം കൂട്ടിയവർ പിന്നാക്ക സംവരണം അട്ടിമറിക്കുകയാണെന്ന് എസ്.ഡി.പി.ഐ സംസ്ഥാന സെക്രട്ടറി കെ.കെ. അബ്ദുൽ ജബ്ബാർ. 'സവർണ സംവരണം നടത്തിയവർ ദലിത് സംവരണം അട്ടിമറിക്കുന്നു' എന്ന മുദ്രാവാക്യമുയർത്തി എസ്‌.ഡി.പി.ഐ ജില്ല കമ്മിറ്റി കലക്ടറേറ്റിനു മുന്നിൽ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം. ജില്ല പ്രസിഡന്‍റ്​ മുഹമ്മദ് പാക്യാര അധ്യക്ഷത വഹിച്ചു. ജില്ല സെക്രട്ടറി സി.എ. സവാദ്, വിമൻസ്​ ഇന്ത്യ ജില്ല പ്രസിഡന്റ് ഖമറുൽ ഹസീന എന്നിവർ സംസാരിച്ചു. ജില്ല സെക്രട്ടറി അഹമ്മദ് ചൗക്കി സ്വാഗതം പറഞ്ഞു. ജില്ല വൈസ് പ്രസിഡന്റ് ഇഖ്ബാൽ ഹൊസങ്കടി, നേതാക്കളായ അൻസാർ ഹൊസങ്കടി, ഖാദർ അറഫ, മുഹമ്മദ് മാവിലാടം, മുബാറക് കടംബാർ, മുഹമ്മദ് കരിമ്പളം, അൻവർ കല്ലങ്കൈ, ശിഹാബ് കടവത്ത്, സമദ് പാറപ്പള്ളി, ഷബീർ കാഞ്ഞങ്ങാട്, അബ്ദുല്ല ഹാജി, മൊയ്തു തൈക്കടപ്പുറം തുടങ്ങിയവർ നേതൃത്വം നൽകി. sdpi : സംസ്ഥാന സെക്രട്ടറി കെ.കെ. അബ്ദുൽ ജബ്ബാർ ഉദ്​ഘാടനം ചെയ്യുന്നു