അസംബ്ലി ഹാൾ, ചിൽഡ്രൻസ് പാർക്ക്​ ഉദ്ഘാടനം ഇന്ന്​

കാഞ്ഞങ്ങാട്: അജാനൂർ ഗ്രാമപഞ്ചായത്തിലെ മുക്കൂട് ഗവ. എൽ.പി സ്കൂളിൽ നിർമിച്ച അസംബ്ലി ഹാളിന്‍റെയും ജനകീയ കൂട്ടായ്മയിലൂടെ ഒരുക്കിയ കുട്ടികളുടെ പാർക്കിന്‍റെയും ഉദ്ഘാടനം വ്യാഴാഴ്ച രാവിലെ ഒമ്പതിന്​ നടക്കും. മൂന്നു വർഷം മുമ്പ് ഒന്നു മുതൽ നാലുവരെ ക്ലാസുകളിലായി 60 കുട്ടികൾ മാത്രമാണ് വിദ്യാലയത്തിൽ ഉണ്ടായിരുന്നതെങ്കിൽ ഈ വർഷമത് 127 ആയി വർധിച്ചു. ഗ്രാമപഞ്ചായത്ത് മെംബറും വിദ്യാലയ വികസനസമിതി ചെയർമാനുമായ എം. ബാലകൃഷ്ണൻ, പി.ടി.എ പ്രസിഡൻറ് റിയാസ് അമലടുക്കം, പൂർവവിദ്യാർഥി സംഘടന ചെയർമാൻ എം. മൂസാൻ എന്നിവർ വാർത്തസമ്മേളനത്തിൽ പങ്കെടുത്തു.