വീട്ടില്‍നിന്ന്​ സ്വർണാഭരണങ്ങളും പണവും കവർന്നു

കാഞ്ഞങ്ങാട്: ജില്ല ആശുപത്രിയിലെ സർജൻ പി. വിനോദ്കുമാറി‍ൻെറ വീട്ടില്‍ കവര്‍ച്ച. സ്വർണാഭരണങ്ങളും പണവും നഷ്ടപ്പെട്ടു. ഇദ്ദേഹത്തി‍ൻെറ തേയമ്മലിലെ വീട്ടിലാണ് കവര്‍ച്ച. ഡോക്ടറും കുടുംബവും കണ്ണൂരിലെ ബന്ധുവീട്ടില്‍ പോയി തിരിച്ചുവരുമ്പോഴാണ് കവര്‍ച്ച നടന്നതായി അറിഞ്ഞത്. ജനൽ പൊളിച്ചാണ് അകത്തു​ കയറിയത്. കമ്മല്‍, മോതിരം, കുട്ടിയുടെ മാല, 25000 രൂപ എന്നിവ ഉള്‍പ്പെടെ ഒന്നരലക്ഷം രൂപയുടെ നഷ്ടമാണ് സംഭവിച്ചത്. ശനിയാഴ്ച വൈകീട്ട് ആറു മണിക്കുശേഷവും ഞായറാഴ്ച രാത്രി 11 മണിക്കും ഇടയിലുമാണ് കവര്‍ച്ച നടന്നതെന്ന് കരുതുന്നു. ഹോസ്ദുര്‍ഗ് എസ്.ഐ കെ.പി. സതീഷ്‌കുമാറും സംഘവും സ്ഥലത്തെത്തി പരിശോധന നടത്തി.