പരിസരവും ടൗണുകളും ശുചീകരിച്ച് ഉദുമ ഗ്രാമപഞ്ചായത്ത്

ഉദുമ: ഉദുമ ഗ്രാമപഞ്ചായത്തിന്റെ കീഴിലുള്ള ഹരിതസേനയുടെ നേതൃത്വത്തില്‍ പഞ്ചായത്ത് പരിസരവും ടൗണുകളും ശുചീകരിച്ചു. പ്രധാനമായും പാലക്കുന്ന് ഭഗവതി ക്ഷേത്രത്തിലെ ഭരണി മഹോത്സവത്തോടനുബന്ധിച്ച് ബാക്കിയായ പ്ലാസ്റ്റിക്കുകളും മറ്റുമാണ് ശേഖരിച്ച് എം.സി.എഫിൽ എത്തിച്ചത്. പഞ്ചായത്ത് പ്രസിഡന്റ് പി. ലക്ഷ്മി, ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സൻ സൈനബ അബൂബക്കര്‍, ധനകാര്യ സ്റ്റാന്‍ഡിങ് കമ്മിറ്റി അംഗം ജലീല്‍ കാപ്പില്‍, വി.ഇ.ഒ കെ.പി. പ്രവീണ്‍ കുമാര്‍, കുടുംബശ്രീ അംഗങ്ങള്‍ എന്നിവര്‍ ഉദ്യമത്തില്‍ പങ്കുചേര്‍ന്നു. യുദ്ധവിരുദ്ധ റാലി നീലേശ്വരം: നഗരസഭ കുടുംബശ്രീ സി.ഡി.എസിന്റെ ആഭിമുഖ്യത്തില്‍ യുദ്ധവിരുദ്ധറാലി സംഘടിപ്പിച്ചു. നഗരസഭ ചെയര്‍പേഴ്‌സൻ ടി.വി. ശാന്ത ഫ്ലാഗ് ഓഫ് ചെയ്തു. നഗരസഭ ക്ഷേമകാര്യ സ്ഥിരം സമിതി അധ്യക്ഷന്‍ പി. സുഭാഷ്, കൗണ്‍സിലര്‍ പി.പി. ലത എന്നിവര്‍ സംസാരിച്ചു. സി.ഡി.എസ്, എ.ഡി.എസ് അംഗങ്ങള്‍ തുടങ്ങിയവര്‍ പങ്കെടുത്തു. ഫോട്ടോ: നീലേശ്വരം നഗരസഭ കുടുംബശ്രീ സി.ഡി.എസിന്റെ ആഭിമുഖ്യത്തില്‍ സംഘടിപ്പിച്ച യുദ്ധവിരുദ്ധറാലി