സായംപ്രഭ പോഷണക്കിറ്റ് വിതരണം

ചെറുവത്തൂർ: പിലിക്കോട് ഗ്രാമപഞ്ചായത്ത് സായംപ്രഭ ഹോമിലെ 50 ഗുണഭോക്താക്കൾക്ക് ജില്ല സാമൂഹികനീതി വകുപ്പിന്റെ നേതൃത്വത്തിൽ പോഷണക്കിറ്റ് വിതരണം ചെയ്തു. ഗ്രാമപഞ്ചായത്ത് പ്രസിഡന്റ് പി.പി. പ്രസന്നകുമാരി വിതരണോദ്ഘാടനം നിർവഹിച്ചു. പഞ്ചായത്ത് മെംബർമാരായ വി. പ്രദീപ്, പി. രേഷ്ണ, ഐ.സി.ഡി.എസ് സൂപ്പർവൈസർ ലൈല, ഗീത, പഞ്ചായത്ത് സെക്രട്ടറി കെ. രമേശൻ എന്നിവർ സംസാരിച്ചു. പടം..പിലിക്കോട് ഗ്രാമപഞ്ചായത്ത് സായംപ്രഭ ഹോമിലെ ഗുണഭോക്താക്കൾക്ക് ജില്ല സാമൂഹികനീതി വകുപ്പിന്റെ പോഷണക്കിറ്റ് വിതരണം ഗ്രാമപഞ്ചായത്ത് പ്രസിഡന്റ് പി.പി. പ്രസന്നകുമാരി വിതരണം ചെയ്യുന്നു