ദേശീയപാത വികസനം; പിലിക്കോട്ടെ ആദ്യ പഞ്ചായത്ത് ഓഫിസും പൊളിച്ചുനീക്കും

ചെറുവത്തൂർ: പിലിക്കോട്ടെ ആദ്യ പഞ്ചായത്ത് ഓഫിസും പൊളിച്ചുനീക്കും.1958ൽ മുഖ്യമന്ത്രി ഇ.എം.എസ് ഉദ്ഘാടനം ചെയ്ത കാലിക്കടവിലെ കെട്ടിടമാണ് ദേശീയപാതക്കുവേണ്ടി പൊളിക്കുന്നത്. അതി​ന്റെ ഓടുകളെല്ലാം നീക്കം ചെയ്തു. ചൊവ്വാഴ്ച കെട്ടിടം മുഴുവനായും പൊളിച്ചുനീക്കും. ഇ.എം.എസിനെ കൂടാതെ ആദ്യ മന്ത്രിസഭയിലെ ഭൂരിഭാഗം മന്ത്രിമാരും സന്ദർശിച്ച കെട്ടിടം എന്ന പേരും പിലിക്കോടിനുണ്ടായിരുന്നു. പിലിക്കോട് ഗവ. ഹയർ സെക്കൻഡറിക്ക് സമീപമാണ് ഈ കെട്ടിടം സ്ഥിതി ചെയ്യുന്നത്. പിലിക്കോട് പഞ്ചായത്തി​ന്റെ നിർമൽ പുരസ്കാരത്തിലേക്ക് നയിച്ച പല സുപ്രധാന പദ്ധതികളും ആസൂത്രണം ചെയ്ത കെട്ടിടമാണിത്. പടം.. പിലിക്കോട് പഞ്ചായത്തിന്റെ ആദ്യ ഓഫിസ് കെട്ടിടം