റബർ കർഷകരുടെ കൂട്ടായ്മയിൽ ടയർ കമ്പനി സ്ഥാപിക്കണം

കാസർകോട്​: റോയൽ ഫാർമേഴ്​സ്​ പ്രൊഡ്യൂസർ കമ്പനി ലിമിറ്റഡ്​ വിദ്യാനഗർ ശാഖ മാനേജിങ്​ ഡയറക്ടർ രാഹുൽ ചക്രപാണി ഉദ്​ഘാടനം ചെയ്തു. റബർ കർഷകരെ വിലയിടിവിൽനിന്നും രക്ഷിക്കുന്നതിന്​ ടയർ കമ്പനി സ്ഥാപിക്കണമെന്ന്​ അദ്ദേഹം ആവശ്യപ്പെട്ടു. കുത്തക കമ്പനികൾ റബറിന്‍റെ വിലയിടിക്കാൻ സംഘടിക്കുകയാണ്​ ചെയ്യുന്നതെന്ന് അദ്ദേഹം ആരോപിച്ചു. ചടങ്ങിൽ ഏരിയ മാനേജർ ദീപുമോൻ ജോസ്​ അധ്യക്ഷത വഹിച്ചു. ബ്ലോക്ക്​ പഞ്ചായത്ത്​ അംഗം സി.വി. ജയിംസ്​, നഗരസഭ കൗൺസിലർ കെ. സവിത, ജില്ല ലേബർ ഓഫിസർ അബ്​ദുസലാം, എൽ.ബി.എസ്​ എൻജിനിയറിങ് ​കോളജ്​ അഡ്​മിനിസ്​ട്രേറ്റർ കെ. ജയചന്ദ്രൻ, വ്യാപാരി വ്യവസായി ഏകോപന സമിതി പ്രസിഡന്‍റ്​ അൻവർ, വ്യാപാരി വ്യവസായി സമിതി പ്രസിഡന്‍റ്​ ശിവദാസൻ, അഡ്വ. പി.വി. ഷാജി, പി. മനോജ്​, മനാസ്​, രവീന്ദ്രൻ, ഷിന്‍റോ എന്നിവർ സംസാരിച്ചു. എം.എ. ജയരാജ്​ സ്വാഗതവും കൃപേഷ്​ കുമാർ നന്ദിയും പറഞ്ഞു.