കൗണ്‍സലര്‍മാര്‍ക്ക് പരിശീലനം നല്‍കി

കാസർകോട്: വനിത ശിശുവികസന വകുപ്പിനുകീഴില്‍ വിവിധ വിദ്യാലയങ്ങളിലും സംരക്ഷണ സ്ഥാപനങ്ങളിലും ശിശു സംരക്ഷണ സംവിധാനങ്ങളിലും സേവനമനുഷ്ഠിക്കുന്ന കൗണ്‍സലര്‍മാര്‍ക്ക് ജില്ല ചൈല്‍ഡ് പ്രൊട്ടക്​ഷന്‍ യൂനിറ്റിന്‍റെ നേതൃത്വത്തില്‍ കാഞ്ഞങ്ങാട്ട്​ പരിശീലനം സംഘടിപ്പിച്ചു. വാദിഹുദ ഇന്‍സ്റ്റിറ്റ്യൂട്ട് ഓഫ് റിസര്‍ച് ആൻഡ് അഡ്വാന്‍സ്ഡ് സ്റ്റഡീസ് മനഃശാസ്ത്ര പഠന വിഭാഗത്തിന്റെ സഹകരണത്തോടെ മൂന്നു ഘട്ടങ്ങളിലായി സംഘടിപ്പിക്കുന്ന പരിശീലന പരിപാടി ഡിവൈ.എസ്.പി ഡോ. വി. ബാലകൃഷ്ണന്‍ ഉദ്ഘാടനം ചെയ്തു. ജില്ല ശിശുസംരക്ഷണ ഓഫിസര്‍ സി.എ. ബിന്ദു അധ്യക്ഷത വഹിച്ചു. പ്രൊട്ടക്​ഷന്‍ ഓഫിസര്‍ എ.ജി. ഫൈസല്‍, കാഞ്ഞങ്ങാട് ശിശു വികസന പദ്ധതി ഓഫിസര്‍ ഷൈനി ഐസക്, സ്‌കൂൾ കൗണ്‍സലര്‍ ടോള്‍സി ടോം എന്നിവര്‍ സംസാരിച്ചു. എം. സുബൈര്‍, കെ.വി. നിമിത എന്നിവര്‍ പരിശീലനത്തിന് നേതൃത്വം നല്‍കി. ഫോട്ടോ : ജില്ല ശിശു സംരക്ഷണ യൂനിറ്റിന്‍റെ നേതൃത്വത്തില്‍ നടത്തിയ പരിശീലനം ഡിവൈ.എസ്.പി ഡോ. വി ബാലകൃഷ്ണന്‍ ഉദ്ഘാടനം ചെയ്യുന്നു