കരമണൽ സംഘത്തെയും ലോറികളും പിടികൂടി

കാഞ്ഞങ്ങാട്: കാഞ്ഞങ്ങാട്ട് വൻ കരമണൽ കടത്തുസംഘത്തെ പൊലീസ് പിടികൂടി. സ്വകാര്യ ഭൂമിയിൽനിന്നും സർക്കാർ ഭൂമിയിൽനിന്നും രാത്രി മണൽ കടത്തുന്ന സംഘത്തെയാണ് പിടികൂടിയത്. കാഞ്ഞങ്ങാടിനടുത്ത് കല്ലൂരാവി, ഒഴിഞ്ഞവളപ്പ്, ഇട്ടമ്മൽ, ബല്ലാ കടപ്പുറം എന്നിവിടങ്ങളിൽനിന്നാണ് വ്യാപകമായി മണൽ കടത്തിയിരുന്നത്. പൊലീസിന് ലഭിച്ച രഹസ്യവിവരത്തി​ന്റെ അടിസ്ഥാനത്തിൽ ഈ പ്രദേശങ്ങളിൽ പരിശോധന നടത്തി. ആറു മണൽലോറികൾ പിടിച്ചെടുത്തു. കെട്ടിടനിർമാണത്തിനായാണ് വ്യാപകമായി ഈ പ്രദേശങ്ങളിൽനിന്ന് കരമണൽ കടത്തിയിരുന്നത്. ലോഡ് ഒന്നിന് 15,000 രൂപക്കാണ് എടുത്തിരുന്നത്. ഇവരിൽനിന്ന്​ ലോഡ് ഒന്നിന് 50,000 രൂപ മുതൽ മുകളിലോട്ട് പിഴ ഈടാക്കിയേക്കും. തുടർനടപടികൾ സ്വീകരിക്കുന്നതിനായി ആർ.ഡി.ഒക്ക് പൊലീസ് വിശദമായ റിപ്പോർട്ട് സമർപ്പിക്കും. കാസർകോട് എസ്.പി ഡോ. വൈഭവ് സക്സേനയുടെ നിർദേശപ്രകാരം കാഞ്ഞങ്ങാട് ഡിവൈ.എസ്.പി ഡോ വി. ബാലകൃഷ്ണ​ന്റെ നേതൃത്വത്തിൽ ഇൻസ്പെക്ടർ ഷൈൻ, സബ് ഇൻസ്പെക്ടർ ശ്രീജേഷ്, സതീഷ്, മാധവൻ തുടങ്ങിയവരാണ് പരിശോധന നടത്തിയത്. കാഞ്ഞങ്ങാട്ടെ തീരദേശത്തുനിന്നും മറ്റും പിടികൂടിയ മണൽ ലോറികൾ