വ്യാപാര ലൈസൻസ് ക്യാമ്പ് സംഘടിപ്പിക്കും

കാസർകോട്​: നഗരസഭ പരിധിയിലെ വ്യാപാരികളുടെ കച്ചവട ലൈസന്‍സ് പുതുക്കുന്നതിന്​ വ്യാപാരഭവനില്‍ ഫെബ്രുവരി 14 മുതല്‍ 19 വരെ നീളുന്ന ക്യാമ്പ് നടത്താന്‍ കാസർകോട്​ മര്‍ച്ചന്റ്‌സ് അസോസിയേഷന്‍ പ്രവര്‍ത്തക സമിതി യോഗം തീരുമാനിച്ചു. പുതുതായി തെരഞ്ഞെടുക്കപ്പെട്ട ഭരണസമിതി 100 ദിന പരിപാടികള്‍ പ്രഖ്യാപിച്ചു. എ.കെ. മൊയ്തീന്‍ കുഞ്ഞിയെ സംഘടനയുടെ മുഖ്യ രക്ഷാധികാരിയായി പ്രസിഡന്റ് നാമനിർദേശം ചെയ്തു. വ്യാപാരഭവനില്‍ ചേര്‍ന്ന യോഗത്തില്‍ പ്രസിഡന്റ് ടി.എ ഇല്യാസ്​ അധ്യക്ഷത വഹിച്ചു. നെഹിം അങ്കോള, എം.എം. മുനീര്‍, സി.കെ. ഹാരിസ്, സി.കെ. അജിത്ത് കുമാര്‍, ഷറഫുദ്ദീന്‍ ത്വയിബ, ടി.ടി. മജീദ്, എ.എ. അസീസ് എന്നിവര്‍ സംസാരിച്ചു. ജനറല്‍ സെക്രട്ടറി കെ. ദിനേശ് സ്വാഗതവും കെ. ശശിധരന്‍ നന്ദിയും പറഞ്ഞു.