വീട് പൂർത്തിയാക്കാൻ കഴിയുന്നില്ല; ശോഭിതി​‍െൻറ കുടുംബം ദുരിതത്തിൽ

വീട് പൂർത്തിയാക്കാൻ കഴിയുന്നില്ല; ശോഭിതി​‍ൻെറ കുടുംബം ദുരിതത്തിൽ നീലേശ്വരം: പുതിയ വീട് നിർമാണം പൂർത്തിയാക്കാൻ കഴിയാതെ ഭിന്നശേഷിക്കാരായ ഒരു കുടുംബം ദുരിതത്തിൽ. നീലേശ്വരം കരുവാച്ചേരിയിൽ താമസിക്കുന്ന ഭിന്നശേഷിക്കാരായ ശോഭിത്ത് -രേഷ്പ്രിയ ദമ്പതികൾക്കാണ് സമീപവാസികളുടെ നിസ്സഹകരണം മൂലം വീട് നിർമാണം പാതി വഴിയിൽ നിലച്ചത്. വീട്ടുപറമ്പി‍ൻെറ അതിർത്തിയോടുചേർന്ന് സമീപവാസികളായ ചിലരുടെ തെങ്ങും മരവും വീട് നിർമാണത്തിന്​ തടസ്സം നിൽക്കുന്നതായാണ്​ പരാതി. തെങ്ങും മരവും, നിർമിക്കുന്ന വീടിന് ഭീഷണിയായി നിൽക്കുന്നതുമൂലം നീലേശ്വരം നഗരസഭ അധികൃതർക്ക് പരാതി നൽകിയിരുന്നു. ആരോഗ്യ വിഭാഗം ഉദ്യോഗസ്ഥർ സ്ഥലം സന്ദർശിച്ച് മരംമുറിക്കാൻ ആവശ്യപ്പെട്ടെങ്കിലും നടന്നില്ല. തുടർന്ന് ശോഭിത് കാഞ്ഞങ്ങാട് ആർ.ഡി.ഒക്ക് പരാതി നൽകി. രാജാ റോഡിലെ ലോട്ടറി കടയിലെ തൊഴിലാളിയാണ്​ ശോഭിത്. സി.പി.എം കരുവാച്ചേരി ബ്രാഞ്ച് അംഗം കൂടിയാണ്. പാർട്ടി നേതൃത്വം പ്രശ്നത്തിൽ ഇടപെട്ടുവെങ്കിലും, അതിർത്തിയിൽ അപകടഭീഷണിയായി നിൽക്കുന്ന തെങ്ങും മരവും മുറിക്കാൻ രണ്ട് പറമ്പുടമകളും തയാറായില്ല. കാഞ്ഞങ്ങാട് ആർ.ഡി.ഒക്ക് നൽകിയ പരാതിയിൽ പരിഹാരം ഉണ്ടാകുമെന്ന വിശ്വാസത്തിലാണ് ശോഭിതും കുടുംബവും. NLR1.JPG, NLR2.JPG കരുവാച്ചേരിയിലെ ശോഭിതി​‍ൻെറ വീട് നിർമാണത്തിന് ഭീഷണിയായ തെങ്ങും പൂമരവും