പച്ചത്തേങ്ങ സംഭരണം

കാസർകോട്: ജില്ലയിലെ വിവിധ കൃഷിഭവനുകളില്‍നിന്ന്​ പച്ചത്തേങ്ങ സംഭരണത്തിനുള്ള സര്‍ട്ടിഫിക്കറ്റ് അനുവദിച്ചു തുടങ്ങി. വെജിറ്റബിള്‍ ആൻഡ്​ ഫ്രൂട്ട് പ്രമോഷന്‍ കൗണ്‍സില്‍ കേരള മുഖാന്തരമാണ് പച്ചത്തേങ്ങ സംഭരിക്കുന്നത്. വെസ്റ്റ് എളേരി, ബളാല്‍, മടിക്കൈ, പെരിയ, കയ്യൂര്‍ എന്നീ കേന്ദ്രങ്ങളിലൂടെയാണ് സംഭരണം നടക്കുക. കര്‍ഷകര്‍ കൃഷിഭവനില്‍ അപേക്ഷ നല്‍കണമെന്ന് പ്രിന്‍സിപ്പല്‍ കൃഷി ഓഫിസര്‍ അറിയിച്ചു. ഫോണ്‍: 04994 255346. ജല്‍ജീവന്‍ മിഷനില്‍ നിയമനം കാസർകോട്​: ജല്‍ജീവന്‍ മിഷന്‍ പദ്ധതി പ്രകാരം കേരള ജല അതോറിറ്റി ജില്ലയിലെ വിവിധയിടങ്ങളില്‍ പുതുതായി ആരംഭിക്കുന്ന ക്വാളിറ്റി കണ്‍ട്രോള്‍ ലാബുകളുടെ നിര്‍മാണ പ്രവര്‍ത്തനങ്ങളിലേക്ക് സിവില്‍ എൻജിനീയറിങ്​ ഡിപ്ലോമക്കാരെ കരാര്‍ അടിസ്ഥാനത്തില്‍ വളന്റിയറായി നിയമിക്കുന്നു. 631 രൂപ ദിവസ വേതനാടിസ്ഥാനത്തില്‍ പദ്ധതി പൂര്‍ത്തീകരണം അല്ലെങ്കില്‍ പരമാവധി ആറു മാസത്തേക്കാണ് നിയമനം. കമ്പ്യൂട്ടര്‍ പരിജ്ഞാനം നിര്‍ബന്ധം. ഫെബ്രുവരി 11ന്​ രാവിലെ 11 മുതല്‍ രണ്ട്​ വരെ വിദ്യാനഗറിലെ ക്വാളിറ്റി കണ്‍ട്രോള്‍ ജില്ല ലാബില്‍ നടക്കുന്ന അഭിമുഖത്തില്‍ ഹാജരാകണം. ഫോണ്‍: 8289940567.