ആര്‍ട്ടിസ്റ്റ് ടി. രാഘവന്റെ ചിത്രങ്ങള്‍ പ്രദര്‍ശിപ്പിക്കും

രാഘവൻ മാഷി​‍ൻെറ ഓർമയില്‍ ചിത്രകാരന്മാര്‍ ഒത്തുചേര്‍ന്നു കാഞ്ഞങ്ങാട്: പ്രശസ്ത ചിത്രകാരനും കാര്‍ട്ടൂണിസ്റ്റുമായിരുന്ന അന്തരിച്ച ആര്‍ട്ടിസ്റ്റ് ടി.രാഘവ​‍ൻെറ ചിത്രങ്ങള്‍ പൊതുവേദിയില്‍ പ്രദര്‍ശിപ്പിക്കും. പലയിടങ്ങളിലുമായി ചിതറിക്കിടക്കുന്നതും സൂക്ഷിച്ചിരിക്കുന്നതുമായ ചിത്രങ്ങളും അവയുടെ ആശയങ്ങളും പുതുതലമുറക്ക്​ പരിചയപ്പെടുത്തുന്നതിനാണ് മുഖ്യമായും ചിത്രങ്ങള്‍ പ്രദര്‍ശിപ്പിക്കുന്നത്. രാഘവ​‍ൻെറ വേര്‍പാടില്‍ അനുശോചിക്കാന്‍ ചേര്‍ന്ന ചിത്രകാരന്മാരുടെ യോഗമാണ് ചിത്രങ്ങള്‍ ശേഖരിച്ച് പ്രദര്‍ശിപ്പിക്കാന്‍ തീരുമാനിച്ചത്. അനശ്വര ചിത്രകാരനും ദേശീയ അധ്യാപക അവാര്‍ഡ് ജേതാവുമായിരുന്ന രാഘവന്‍ മാസ്റ്റര്‍ നാടി​‍ൻെറ വികസനത്തിനും വിദ്യാഭ്യാസ പുരോഗതിക്കും പൊതുസമൂഹത്തിന്റെ നന്മക്കുമായി നല്‍കിയിട്ടുള്ള മികച്ച സംഭാവനകള്‍ അവിസ്മരണീയമാണെന്ന് യോഗം വിലയിരുത്തി. ആര്‍ട്ടിസ്റ്റ് മോഹനചന്ദ്രന്‍ അധ്യക്ഷത വഹിച്ചു. പല്ലവ നാരായണന്‍ അനുസ്മരണ പ്രഭാഷണം നടത്തി. മാധ്യമ പ്രവര്‍ത്തകന്‍ ടി. മുഹമ്മദ് അസ്​ലം, ചിത്രകാരന്മാരായ ശ്യാമ ശശി, ഇ.വി. അശോകന്‍, സോമശേഖരന്‍, കെ.ആര്‍.സി. തായന്നൂര്‍, ജയപ്രകാശന്‍ എന്നിവര്‍ സംസാരിച്ചു. പടം അടിക്കുറിപ്പ്: ആര്‍ട്ടിസ്റ്റ് ടി.രാഘവൻ മാസ്റ്റര്‍ അനുശോചന യോഗത്തില്‍ പല്ലവ നാരായണന്‍ അനുസ്മരണ പ്രഭാഷണം നടത്തുന്നു