ഹോമിയോ പ്രതിരോധ ബൂസ്റ്റര്‍മരുന്ന് വിതരണ ക്യാമ്പ് ആരംഭിച്ചു

കാസര്‍കോട്: ജെ.സി.ഐ കാസര്‍കോട് എംപയര്‍, കളനാട് ഹോമിയോ ആശുപത്രിയുമായി സഹകരിച്ച് ഹോമിയോ പ്രതിരോധ ബൂസ്റ്റര്‍ മരുന്ന് വിതരണ ക്യാമ്പ് ആരംഭിച്ചു. പുതിയ ബസ് സ്റ്റാൻഡ് പരിസരത്ത് നടന്ന ചടങ്ങ് നഗരസഭ ചെയര്‍മാന്‍ അഡ്വ. വി.എം. മുനീറും കാസര്‍കോട് റെയില്‍വേ സ്റ്റേഷനില്‍ കളനാട് ഹോമിയോ ആശുപത്രി സൂപ്രണ്ട് ഡോ. രേഷ്മയും ഉദ്ഘാടനം ചെയ്തു. പ്രസിഡൻറ്​ ഷിഫാനി മുജീബ് അധ്യക്ഷത വഹിച്ചു. നഗരസഭ ആരോഗ്യ സ്റ്റാൻഡിങ് കമ്മിറ്റി ചെയര്‍മാന്‍ ഖാലിദ് പച്ചക്കാട്, ജെ.സി.ഐ മേഖല ഡയറക്ടര്‍ രജീഷ്, മേഖല കോഓഡിനേറ്റര്‍ ഡോ. രതീഷ്, പ്രോഗ്രാം ഡയറക്ടര്‍ ഡോ. സലീന, സെക്രട്ടറി ഫാത്തിമത്ത് റോസാന, ഷറഫുന്നിസ ഷാഫി, ശബ്നം, സുമയ്യ റഈസ്, ഫര്‍സാന, റംസീന, ഷാനി സംസാരിച്ചു. ക്യാമ്പ് ഫെബ്രുവരി അഞ്ചുവരെ നീളും. Homeo : ജെ.സി.ഐ കാസര്‍കോട് എംപയര്‍ കളനാട് ഹോമിയോ ആശുപത്രിയുമായി സഹകരിച്ച് സംഘടിപ്പിക്കുന്ന ഹോമിയോ പ്രതിരോധ ബൂസ്റ്റര്‍ ക്യാമ്പില്‍ ആശുപത്രി സൂപ്രണ്ട് ഡോ. രേഷ്മ മരുന്ന് വിതരണം ചെയ്യുന്നു