തീരദേശ മേഖലയിലെ തെരുവുവിളക്കുകൾ നശിപ്പിക്കുന്നു

കുമ്പള: കുമ്പള കോയിപ്പാടി തീരദേശ മേഖലയിൽ വ്യാപകമായി തെരുവുവിളക്കുകൾ നശിപ്പിക്കുന്നതായി പഞ്ചായത്തംഗം സബൂറ. സാമൂഹികദ്രോഹികളാണ് രാത്രി അക്രമങ്ങൾ അഴിച്ചുവിടുന്നതെന്നും സത്യാവസ്ഥ അന്വേഷിച്ച് നടപടി സ്വീകരിക്കുമെന്നും ഇവർ അറിയിച്ചു. അതിനിടെ തെരുവുവിളക്ക് വിഷയവുമായി ബന്ധപ്പെട്ട് തനിക്കെതിരെ ചിലർ നടത്തുന്ന പ്രചാരണം അടിസ്ഥാനരഹിതവും രാഷ്ട്രീയപ്രേരിതവുമാണെന്ന് അവർ പ്രസ്താവനയിൽ അറിയിച്ചു.