കാരുണ്യ പ്രവർത്തനത്തിന് കൈത്താങ്ങ്​

കാഞ്ഞങ്ങാട് : പാണത്തൂർ ലോറി അപകടത്തിൽ മരിച്ചവരുടെ കുടുംബങ്ങൾക്ക്​ കൈത്താങ്ങായി വടംവലി അസോസിയേഷനും. ജില്ല പ്രസിഡൻറ് നീലേശ്വരത്തെ കെ. പി. അരവിന്ദാക്ഷൻ ഒരുലക്ഷം രൂപ കുടുംബത്തിന് നൽകി. പനത്തടി ഗ്രാമപഞ്ചായത്ത് പ്രസിഡൻറും ജനകീയ കമ്മിറ്റി ചെയർമാനുമായ പ്രസന്ന പ്രസാദിന് തുക കൈമാറി. കഴിഞ്ഞ മാസം 23നാണ് പാണത്തൂർ പരിയാരത്ത് ലോറി നിയന്ത്രണംവിട്ട്​ മറിഞ്ഞ് മരം കയറ്റിറക്ക് തൊഴിലാളികളായ കുണ്ടുപ്പള്ളിയിലെ മോഹനൻ, ബാബു, എങ്കപ്പു, നാരായണൻ എന്നിവർ മരിച്ചത്. കുടുംബത്തെ സംരക്ഷിക്കുന്നതിനുവേണ്ടി പനത്തടി ഗ്രാമപഞ്ചായത്തി‍ൻെറ നേതൃത്വത്തിലാണ്​ ജനകീയ കമ്മിറ്റി രൂപവത്​കരിച്ചത്​. ചടങ്ങിൽ പഞ്ചായത്ത് വൈസ് പ്രസിഡൻറ്​ പി.എം. കുര്യാക്കോസ്, ജനകീയ കമ്മിറ്റി വൈസ് ചെയർമാന്മാരായ കെ.കെ. വേണുഗോപാൽ, കെ.ജി. ജെയിംസ്, കൺവീനർ എം.എം. തോമസ്, ജനപ്രതിനിധികളായ വിൻസൻെറ്, സുപ്രിയ ശിവദാസ്, കെ.എസ്. പ്രീതി, ഹരിദാസ്, രാധാകൃഷ്ണൻ ഗൗഡ എന്നിവർ സംബന്ധിച്ചു.