ശിരിബഗിലു സ്​കൂൾ യു.പിയാക്കാൻ മന്ത്രിക്ക് നിവേദനം

കാസർകോട്​: ശിരിബഗിലു ജി.ഡബ്ല്യു.എൽ.പി സ്കൂൾ യു.പി സ്​കൂളായി ഉയർത്തണമെന്ന ആവശ്യം വീണ്ടും ശക്​തമാകുന്നു. ഇക്കാര്യം ഉന്നയിച്ച്​ ജില്ലയുടെ ചുമതല വഹിക്കുന്ന മന്ത്രി അഹമ്മദ്​ ദേവർകോവിലിനെ കണ്ട്​ നിവേദനം നൽകി. മധൂർ ഗ്രാമപഞ്ചായത്ത് അംഗം എം.പി.എ. ബഷീറാണ് നിവേദനം നൽകിയത്. 101 വർഷം പഴക്കമുള്ള സ്കൂളാണിത്​. ഉളയത്തടുക്കയിൽ ആറര ഏക്കറിലധികം വരുന്ന ഭൂമിയിലാണ് സ്കൂൾ സ്ഥിതി ചെയ്യുന്നത്. സ്​ഥലസൗകര്യമുണ്ടായിട്ടും സ്​കൂളി​​‍ൻെറ കാര്യത്തിൽ അനുകൂല തീരുമാനമുണ്ടാകുന്നില്ലെന്നാണ്​ നാട്ടുകാരുടെ പരാതി. പഞ്ചായത്തി​‍ൻെറ വിവിധ ഭാഗങ്ങളിൽനിന്നുള്ളവർക്ക്​ എത്താൻ കഴിയുന്ന സ്​ഥലത്താണ്​ സ്​കൂൾ. ഇവിടെയുള്ള കുട്ടികൾ കാസർകോട് ടൗൺ​, വിദ്യാനഗർ എന്നിവിടങ്ങളിലെ സ്​കൂളുകളെയാണ്​ ആശ്രയിക്കുന്നത്​. സ്വകാര്യ ബസുകളിൽ തൂങ്ങിപ്പിടിച്ചാണ്​ കുട്ടികളുടെ യാത്രയെന്നും സ്​കൂൾ യു.പിയാക്കുന്ന കാര്യത്തിൽ അനുകൂല തീരു​മാ​നമെടുക്കണമെന്നും നിവേദനത്തിൽ ആവശ്യപ്പെട്ടു. devarkovil മന്ത്രി അഹമ്മദ്​ ദേവർകോവിലിന്​ മധൂർ ഗ്രാമപഞ്ചായത്ത് അംഗം എം.പി.എ. ബഷീർ നിവേദനം നൽകുന്നു