ഷിറിയ പുഴയിൽ അഞ്ചുതോണികൾ പിടികൂടി

കുമ്പള: ഷിറിയ പുഴയിൽ അനധികൃതമായി മണൽ വാരലിൽ ഏർപ്പെട്ട അഞ്ചുതോണികൾ പിടികൂടി. കാസർകോട്​ ഡിവൈ.എസ്.പി ബാലകൃഷ്ണൻ നായർ, കുമ്പള ഇൻസ്‌പെക്ടർ പി. പ്രമോദ്, എസ്.ഐ അനീഷ്‌ എന്നിവരുടെ നേതൃത്വത്തിൽ നടത്തിയ പരിശോധനയിലാണ് പി.കെ നഗർ ഭാഗത്തേക്ക്‌ മണൽ കടത്തുകയായിരുന്ന അഞ്ചുതോണികൾ പിടികൂടിയത്. ബന്ധപ്പെട്ടവർക്കെതിരെ കേസെടുത്തു. കുമ്പള സ്റ്റേഷനിലെ ഹിതേഷ് രാമചന്ദ്രൻ, എം. പവിത്രൻ, കെ. സുഭാഷ്, എ. ശരത്, രതീഷ് കുമാർ, കെ.ആർ. അനൂപ് എന്നിവരും പൊലീസ്​ സംഘത്തിലുണ്ടായിരുന്നു. പടം