വായനയുടെ തീരത്ത് സതിക്ക് ആദരം

ചെറുവത്തൂർ: 2020ലെ സർഗാത്മക പ്രതിഭക്കുള്ള ദേശീയ അവാർഡ് രാഷ്ട്രപതിയിൽനിന്ന് നേടിയ ഭിന്നശേഷിക്കാരിയായ എം.വി. സതിക്ക് വായനശാല സാംസ്കാരിക കൂട്ടായ്മ സ്നേഹാദരം നൽകി. കേരളത്തിലെ കെ.എസ്.ആർ.ടി.സി ജീവനക്കാരുടെയും കുടുംബാംഗങ്ങളുടെയും സുഹൃത്തുക്കളുടെയും കൂട്ടായ്മയാണ് വായനശാല. പൊള്ളപ്പൊയിലിലെ സതിയുടെ വീട്ടിൽ നടന്ന വായനയുടെ സതീതീരത്ത് എന്ന പരിപാടിയിലാണ് സ്നേഹാദരം നൽകിയത്. കവി പത്മരാജ് എരവിൽ, സുരേഷ് പയ്യങ്ങാനം, രമാദേവി, കെ. പ്രദീപൻ, കെ. കുഞ്ഞികൃഷ്ണൻ, അനിൽകുമാർ, എ.വി. രവി എന്നിവർ പങ്കെടുത്തു. സ്നേഹോപഹാരമായി കെ.ആർ. മീരയുടെ 'ഘാതകൻ' എന്ന നോവൽ കെ. പ്രദീപൻ സമ്മാനിച്ചു. സതിയുടെ അമൂല്യ ശേഖരത്തിൽനിന്നുള്ള പ്രശസ്തരുടെ കത്തുകൾ, വായിച്ച 2700ഓളം പുസ്തകങ്ങളിൽ നിന്നുള്ള അനുഭവങ്ങൾ, ഇഷ്ടകഥകൾ, സ്വന്തം കൃതികൾ എന്നിവയെപ്പറ്റി വായനശാല അംഗങ്ങളുമായി പങ്കുവെച്ചു. പടം.. വായനശാല പ്രവർത്തകർ എം.വി. സതിക്ക് ഉപഹാരം നൽകുന്നു