പീഡനക്കേസിൽ രണ്ടു പേർക്കെതിരെ പോക്സോ കേസ്

കാഞ്ഞങ്ങാട്: പ്രായപൂര്‍ത്തിയാവാത്ത പെൺകുട്ടികളെ പീഡിപ്പിച്ച സംഭവത്തിൽ രണ്ട് യുവാക്കള്‍ക്കെതിരെ ഹൊസ്ദുര്‍ഗ് പൊലീസ് കേസെടുത്തു. ഇടുക്കി സ്വദേശി സുധീഷ് (22), പാണത്തൂര്‍ സ്വദേശി പുനീത് (19) എന്നിവര്‍ക്കെതിരെയാണ് പോക്‌സോ കേസെടുത്തത്. പ്രണയം നടിച്ചാണ് പെണ്‍കുട്ടികളെ ഇരുവരും പീഡനത്തിന് ഇരയാക്കിയത്. പെണ്‍കുട്ടി താമസിക്കുന്ന സ്ഥാപനത്തി‍ൻെറ മതില്‍ചാടി അകത്തുകടന്നാണ് പീഡിപ്പിച്ചത്. നിരവധി പെണ്‍കുട്ടികള്‍ താമസിക്കുന്ന സ്ഥാപനത്തിലെ കൂടുതല്‍ പേര്‍ പീഡനത്തിന് ഇരയായിട്ടുണ്ടോയെന്നും പൊലീസ് അന്വേഷിക്കുന്നുണ്ട്.