'കുടുംബിനികൾക്ക് വരുമാന പദ്ധതി നടപ്പാക്കണം'

ബദിയടുക്ക: വീട്ടമ്മമാർക്ക് പ്രതിമാസ വരുമാനം ഉറപ്പുവരുത്തുന്ന ക്ഷേമ പദ്ധതികളാവിഷ്കരിക്കണമെന്ന് എസ്.ടി.യു. ദേശീയ പ്രസിഡൻറ്​ അഡ്വ. എം.റഹ്മത്തുള്ള ആവശ്യപ്പെട്ടു. ബദിയടുക്ക ബി.എച്ച്. അബ്ദുല്ലക്കുഞ്ഞി നഗറിൽ എസ്.ടി.യു പഞ്ചായത്ത് സമ്മേളനം ഉദ്​ഘാടനം ചെയ്യുകയായിരുന്നു അദ്ദേഹം. മുസ്‍ലിംലീഗ് മണ്ഡലം ട്രഷറർ മാഹിൻ കേളോട്ട് അധ്യക്ഷത വഹിച്ചു. മജീദ് തളങ്കര, അബ്ദുറഹ്മാൻ മേസ്ത്രി, ബി.കെ. അബ്ദുസ്സമദ് അനുസ്മരണ പരിപാടി എൻ.എ. നെല്ലിക്കുന്ന് എം.എൽ.എ ഉദ്​ഘാടനം ചെയ്തു. ബദ്റുദ്ദീൻ താസിം അധ്യക്ഷത വഹിച്ചു. എസ്.ടി.യു സംസ്ഥാന ട്രഷറർ കെ.പി.മുഹമ്മദ് അശ്റഫ് സംസാരിച്ചു. മുജീബ് തളങ്കര മുഖ്യാതിഥിയായി. കുടുംബസംഗമം എസ്.ടി.യു ദേശീയ വൈസ്​ പ്രസിഡൻറ്​ എ.അബ്ദുറഹ്മാൻ ഉദ്​ഘാടനം ചെയ്തു. അൻവർ ഓസോൺ അധ്യക്ഷത വഹിച്ചു. രാവിലെ സമ്മേളനത്തിന് തുടക്കം കുറിച്ച് സ്വാഗത സംഘം ചെയർമാൻ സി.എ.അബൂബക്കർ പതാക ഉയർത്തി. stu ksd എസ്.ടി.യു ബദിയടുക്ക പഞ്ചായത്ത് സമ്മേളനം എസ്.ടി.യു ദേശീയ പ്രസിഡൻറ്​ അഡ്വ. എം. റഹ്മത്തുല്ല ഉദ്​ഘാടനം ചെയ്യുന്നു