സ്ഥലംമാറ്റ നടപടികൾ സുതാര്യമാക്കണം -എ.കെ.എസ്.ടി.യു

ചെറുവത്തൂർ: അധ്യാപകരുടെ ഓൺലൈൻ സ്ഥലംമാറ്റ നടപടികൾ സുതാര്യമാക്കണമെന്ന്​ എ.കെ.എസ്.ടി.യു ജില്ല സമ്മേളനം ആവശ്യപ്പെട്ടു. അനർഹരായ വിഭാഗത്തെ മുൻഗണനാ പട്ടികയിൽനിന്ന്​ ഒഴിവാക്കണമെന്നും ആവശ്യപ്പെട്ടു. പ്രതിനിധി സമ്മേളനം ചെറുവത്തൂരിൽ സംസ്ഥാന പ്രസിഡൻറ്​ എൻ. ശ്രീകുമാർ ഉദ്ഘാടനം ചെയ്തു. ജില്ല പ്രസിഡൻറ്​ വിനയൻ കല്ലത്ത് അധ്യക്ഷത വഹിച്ചു. സി.പി.ഐ സംസ്ഥാന കൗൺസിൽ അംഗം ടി. കൃഷ്ണൻ, എ.കെ.എസ്.ടി.യു സംസ്ഥാന സെക്രട്ടറിയേറ്റംഗങ്ങളായ എം. മഹേഷ് കുമാർ, കെ. പത്മനാഭൻ, ജോ. കൗൺസിൽ സംസ്ഥാന വൈസ് ചെയർമാൻ നരേഷ് കുമാർ കുന്നിയൂർ, കെ.ജി.ഒ.എഫ് ജില്ല സെക്രട്ടറി സന്തോഷ് കുമാർ ചാലിൽ, എ.കെ.എസ്.ടി.യു സംസ്ഥാന സമിതിയംഗം കെ. വിനോദ് കുമാർ, വനിത ഫോറം ചെയർ പേഴ്സൻ വി. ഹേമ മാലിനി എന്നിവർ സംസാരിച്ചു. ജില്ല സെക്രട്ടറി സുനിൽ കുമാർ കരിച്ചേരി സ്വാഗതവും പി. രാജഗോപാലൻ നന്ദിയും പറഞ്ഞു. പടം... എ.കെ.എസ്.ടി.യു ജില്ല രജതജൂബിലി സമ്മേളനത്തി​​ന്‍റെ പ്രതിനിധി സമ്മേളനം ചെറുവത്തൂരിൽ സംസ്ഥാന പ്രസിഡൻറ്​ എൻ. ശ്രീകുമാർ ഉദ്ഘാടനം ചെയ്യുന്നു