ഷിറിയ പുഴയിൽനിന്ന്​ തോണികൾ പിടികൂടി

കാസർകോട്​: ഷിറിയ പുഴയിൽ കളപ്പാറയിൽ അനധികൃതമായി മണൽവാരലിൽ ഏർപ്പെട്ട രണ്ടു തോണികൾ പിടികൂടി. പട്ടാപ്പകലും തോണികൾ ഉപയോഗിച്ച്​ വ്യാപകമായി മണൽവാരുന്നുവെന്ന പരാതികളെ തുടർന്നാണ്​ പൊലീസ്​ എത്തിയത്​. കാസർകോട്​ ഡിവൈ.എസ്​.പി ബാലകൃഷ്ണൻ നായർ, കുമ്പള ഇൻസ്‌പെക്ടർ പി. പ്രമോദ്, എസ്​.​ഐ അനീഷ്, സിവിൽ പൊലീസ് ഓഫിസർമാരായ അഭിലാഷ്, കാശിഫ് മിൻഹാജ് എന്നിവരുടെ നേതൃത്വത്തിലാണ്​ തോണികൾ പിടികൂടിയത്​. ബന്ധപ്പെട്ടവർക്കെതിരെ കേസ് എടുത്തതായി പൊലീസ്​ അറിയിച്ചു. thonikal pidikoodi ഷിറിയ പുഴയിൽനിന്ന്​ തോണികൾ പിടികൂടിയപ്പോൾ