സ്വയംതൊഴില്‍ വായ്പ

സ്വയംതൊഴില്‍ വായ്പകാസർകോട്​: കേരള പിന്നാക്ക വിഭാഗ വികസന കോര്‍പറേഷ​ൻെറ വിവിധ സ്വയം തൊഴില്‍ വായ്പ പദ്ധതികള്‍ക്കുള്ള അപേക്ഷ ക്ഷണിച്ചു. പുതിയ തൊഴില്‍ സംരംഭങ്ങള്‍ ആരംഭിക്കുന്നതിന് ഒ.ബി.സി മതന്യൂനപക്ഷ വിഭാഗത്തില്‍പെട്ട സാമ്പത്തികമായി പിന്നാക്കം നില്‍ക്കുന്നവര്‍ക്ക് കൈത്താങ്ങാകുന്ന സ്വയം തൊഴില്‍ വായ്പ പദ്ധതികളിലേക്കാണ് അപേക്ഷിക്കാന്‍ അവസരം. പദ്ധതി അടങ്കലി​ൻെറ 95 ശതമാനം വരെ വായ്പയായി അനുവദിക്കും. ബാക്കി തുക ഗുണഭോക്താവ് കണ്ടെത്തണം. ഒ.ബി.സി വിഭാഗത്തിനായുള്ള സ്വയം തൊഴില്‍ പദ്ധതി: മൂന്നു ലക്ഷത്തില്‍ താഴെ വരുമാനമുള്ളവര്‍ക്ക് പരമാവധി 15 ലക്ഷം രൂപ വായ്പ തുകയായി അനുവദിക്കും. ന്യൂ സ്വര്‍ണിമ പദ്ധതി: ഒ.ബി.സി വിഭാഗത്തിലുള്ള വനിതകള്‍ക്കായുള്ള പദ്ധതിയാണിത്. വാര്‍ഷിക വരുമാനം മൂന്ന് ലക്ഷത്തില്‍ താഴെ. വായ്പ തുക പരമാവധി രണ്ട് ലക്ഷം രൂപ. അഞ്ച് ശതമാനമാണ് പലിശ നിരക്ക്.മതന്യൂനപക്ഷ വിഭാഗങ്ങള്‍ക്കുള്ള സ്വയം തൊഴില്‍ പദ്ധതി- ഒന്ന്: ഗ്രാമങ്ങളില്‍ 98,000 രൂപയിലും നഗരങ്ങളില്‍ 1,20,000 രൂപയിലും താഴെ കുടുംബ വാര്‍ഷിക വരുമാനമുള്ളവര്‍ക്ക് അപേക്ഷിക്കാം. പരമാവധി 20 ലക്ഷം രൂപയാണ് വായ്പ തുക. ആറു ശതമാനമാണ് പലിശ നിരക്ക്. കൂടുതൽ വിവരങ്ങള്‍ പിന്നാക്ക കോര്‍പറേഷ​ൻെറ കാസര്‍കോട് ഓഫിസില്‍ നിന്ന് ലഭിക്കും ഫോണ്‍: 04994-227060, 227062.ടാറ്റ ട്രസ്​റ്റ് ഗവ. ആശുപത്രിയില്‍ ഒഴിവുകള്‍കാസര്‍കോട്: ടാറ്റ ട്രസ്​റ്റ് ഗവ. കോവിഡ് ആശുപത്രിയില്‍ ഇ.സി.ജി ടെക്‌നീഷ്യന്‍, ഇലക്ട്രീഷ്യന്‍, പ്ലംബര്‍ തസ്തികകളില്‍ ഒഴിവുണ്ട്. അഭിമുഖം നവംബര്‍ രണ്ടിന് രാവിലെ 10ന് കാഞ്ഞങ്ങാട് ചെമ്മട്ടംവയലിലെ ജില്ല മെഡിക്കല്‍ ഓഫിസില്‍. വിവരങ്ങള്‍ക്ക്: 0467 2203118.