ഉന്നതതല അന്വേഷണം വേണം -യൂത്ത് ലീഗ്

ചട്ടഞ്ചാൽ: ഐ.എൻ.എല്ലിന് നൽകിയ പി.എസ്.സി അംഗത്വം 40 ലക്ഷം രൂപക്ക്​ വിൽപന നടത്തിയെന്ന് വെളിപ്പെടുത്തിയ സാഹചര്യത്തിൽ ഉന്നതതല അന്വേഷണം നടത്തണമെന്ന് മുസ്​ലിം യൂത്ത് ലീഗ് ഉദുമ നിയോജക മണ്ഡലം നേതൃയോഗം ആവശ്യപ്പെട്ടു. പ്രസിഡൻറ്​ റഊഫ് ബായിക്കര അധ്യക്ഷത വഹിച്ചു. ജനറൽ സെക്രട്ടറി ഖാദർ ആലൂർ സ്വാഗതം പറഞ്ഞു. സംസ്ഥാന കമ്മിറ്റി അംഗം ടി.ഡി. കബീർ തെക്കിൽ, ജില്ല ട്രഷറർ എം.ബി. ഷാനവാസ്, വൈസ് പ്രസിഡൻറുമാരായ ഹാരിസ് അങ്കക്കളരി, ബാത്തിഷ പൊവ്വൽ, മണ്ഡലം ഭാരവാഹികളായ നാസർ ചേറ്റുക്കുണ്ട്, കെ.എം.എ. റഹ്മാൻ കാപ്പിൽ, ദാവൂദ് പള്ളിപ്പുഴ, ടി.കെ. ഹസൈനാർ കീഴൂർ, മൊയ്തു തൈര, ആഷിഖ് റഹ്മാൻ എന്നിവർ ചർച്ചയിൽ സംബന്ധിച്ചു.