മൊഗ്രാൽ മാവിൻ മധുരം നിലനിൽക്കും

മൊഗ്രാൽ മാവിൻ മധുരം നിലനിൽക്കുംകാസർകോട്​: ദേശീയപാത വികസനത്തിൽ മുറിച്ചുമാറ്റിയാലും മൊഗ്രാൽ നാട്ടുമാവി​ൻെറ മധുരം നിലനിൽക്കും. അപൂർവതരം മാവി​ൻെറ 5000 തൈകൾ ഗ്രാഫ്​റ്റിങ്ങിലൂടെ മുളപ്പിക്കും. കാസർകോട്​ തോട്ടവിള ഗവേഷണ കേന്ദ്രത്തിലെ കാർഷിക വിജ്​ഞാന കേന്ദ്രമാണ്​​ ഇത്​ സാധ്യമാക്കുക. മാവ്​ സംരക്ഷണം മുൻനിർത്തി മൊഗ്രാൽ പുത്തൂർ ഗ്രാമപഞ്ചായത്ത്​ പ്രസിഡൻറ്​ അഡ്വ. ഷമീറ ഫൈസലാണ്​ കാർഷിക വിജ്​ഞാന കേന്ദ്രം അധികൃതരെ ക്ഷണിച്ചത്​.കൃഷി വിജ്​ഞാന കേന്ദ്രം മേധാവി ഡോ. ടി.എസ്​. മനോജ്​ കുമാർ, സീനിയർ ടെക്​നിക്കൽ ഓഫിസർ കെ. മണികണ്​ഠൻ, ടെക്​നിക്കൽ ഓഫിസർ കെ. കൃഷ്​ണൻ നായർ എന്നിവരാണ്​ മാവ്​ സന്ദർശിക്കാൻ ​എത്തിയത്​. മുളപ്പിച്ചെടുക്കുന്ന തൈകൾ നാട്ടുകാർക്കും കർഷകർക്കും നൽകും. പുറ​േമ്പാക്കു ഭൂമിയിലുള്ള മാവി​ൻെറ ഗ്രാഫ്​റ്റിങ്​ നടത്തുന്നതിന്​ ബന്ധപ്പെട്ടവരെ കണ്ട്​ അനുമതിയും വാങ്ങും. ആറുമാസത്തിനകം മാവിൻതൈകൾ യാഥാർഥ്യമാക്കാൻ കഴിയുമെന്നാണ്​ പ്രതീക്ഷ. നാട്ടുമാവി​ൻെറ തൈ മുളപ്പിച്ച്​ തായ്​ചെടിയാക്കി ഉപയോഗിക്കും. അതിനു മുകളിലാണ്​ മൊഗ്രാൽ മാവി​ൻെറ തണ്ട്​ ഗ്രാഫ്​റ്റിങ്ങിനായി ഉപയോഗിക്കുക. ഇങ്ങനെ തയാറാക്കുന്ന ചെടികൾ തോട്ടവിള ഗവേഷണ കേന്ദ്രത്തിൽ തന്നെ വളർത്തു​െമന്നും ഇവർ പറഞ്ഞു.മൊഗ്രാൽ പുത്തൂർ ഗ്രാമപഞ്ചായത്ത്​ കാര്യാലയത്തിനു മുന്നിലാണ്​ മധുരമൂറും മാങ്ങ കായ്​ക്കുന്ന മാവുള്ളത്​. തൂക്കത്തിലും രുചിയിലും ഇതര മാമ്പഴങ്ങളെ കവച്ചുവെക്കുന്നതാണിത്​. കിലോക്ക്​ 180 രൂപ വിലയിലാണ്​ ഈ അപൂർവയിനം മാങ്ങ വിൽക്കുന്നത്​. ദേശീയപാത വികസനത്തിൽ മാവ്​ മുറിച്ചുപോകുന്ന സ്​ഥിതിവന്നതോടെ നാട്ടുകാർ മാവ്​ സംരക്ഷണവുമായി രംഗത്തുവന്നു. വിവിധ കൂട്ടായ്​മകളും സമൂഹ മാധ്യമ ചർച്ചകളുമായി പ്രദേശത്തുകാർ ദിവസങ്ങളായി മാവ്​ സംരക്ഷണം സജീവമാക്കി. ഇതോടെ, ഗ്രാമപഞ്ചായത്ത്​ പ്രസിഡൻറ്​ ഇ​ടപെട്ട്​ തോട്ടവിള ഗവേഷണ കേന്ദ്രത്തിലെ ശാസ്​ത്രജ്​ഞരോട്​ മാവ്​ സംരക്ഷണത്തിന്​ ബദൽവഴി തേടുകയായിരുന്നു. mogral maavu visit ​മൊഗ്രാൽ പുത്തൂർ ഗ്രാമപഞ്ചായത്ത്​ ഓഫിസിനു മുന്നിലെ മാവ്​ സന്ദർശിക്കാനെത്തിയ തോട്ടവിള ഗവേഷണ കേന്ദ്രത്തിലെ ഉദ്യോഗസ്​ഥർ പ്രസിഡൻറ്​ ഷമീറ ഫൈസലിനൊപ്പം