സൈനികന് ഔദ്യോഗിക ബഹുമതികളോടെ വിട

നീലേശ്വരം: ന്യുമോണിയ ബാധിച്ച് വിശാഖപട്ടണം സൈനിക ആശുപത്രിയിൽ ചികിത്സക്കിടെ മരിച്ച ചൊല്ലി. ഇന്ത്യൻ ആർമിയിൽ വിശാഖപട്ടണത്തെ മിലിട്ടറി എൻജിനിയറിങ് സർവിസ് ഡിപാർട്മൻെറിൽ നായിബ് സുബേദാർ ചാത്തമത്തെ എം. ഷാജിക്കാണ് (39) വ്യാഴാഴ്ച രാവിലെ നാട് കണ്ണീരോടെ വിടനൽകിയത്. 2002ലാണ് ഷാജി കരസേനയിൽ ചേർന്നത്. രാവിലെ ചെറുവത്തൂരിൽ നീലേശ്വരം നഗരസഭ ചെയർപേഴ്സൺ ടി.വി. ശാന്തയുടെ നേതൃത്വത്തിൽ ഏറ്റുവാങ്ങിയ മൃതദേഹം നിരവധി വാഹനങ്ങളുടെ അകമ്പടിയോടെ ചാത്തമത്ത് എത്തിച്ചു. ബ്രദേർസ് ക്ലബ് പരിസരത്ത് പൊതുദർശനത്തിനു വെച്ച മൃതദേഹത്തിന് എം. രാജഗോപാലൻ എം.എൽ.എ, നീലേശ്വരം നഗരസഭ വൈസ് ചെയർമാൻ മുഹമ്മദ് റാഫി, കൗൺസിലർമാരായ ബാലകൃഷ്ണൻ, ലത, രവി, ലത പാലത്തടം, സി.പി.എം നീലേശ്വരം ഏരിയ സെക്രട്ടറി എം. രാജൻ, യുവമോർച്ച ജില്ലാ ജനറൽ സെക്രട്ടറി സാഗർ ചാത്തമത്ത്, സോൾജിയർ കെ.എൽ. 14ലെ അംഗങ്ങൾ തുടങ്ങി നാടി​ൻെറ വിവിധ മേഖലകളിൽനിന്നുള്ളവർ പ്രണാമം അർപ്പിച്ചു. തുടർന്ന് മുതിർന്ന സൈനികരുടെ ആദരവ് ചടങ്ങ് നടന്നു. ഷാജിയുടെ സൈനിക യൂനിഫോം ഭാര്യ അനുശ്രീ ഏറ്റുവാങ്ങി. പിന്നീട് ചാത്തമത്ത് പൊതുശ്മശാനത്തിൽ സംസ്കരിച്ചു. ചാത്തമത്ത് മെട്ടക്ക് രാമ​ൻെറയും ജാനകിയുടെയും മകനാണ്. ഭാര്യ: ടി.എ. അനുശ്രീ. മക്കൾ: നിഹാൻ ഷാജി, അഗ്നേയ് ഷാജി. സഹോദരൻ: എം. ബാബു.