നെഹ്​റു കോളജ് പ്രിൻസിപ്പൽ ഡോ. ടി. വിജയൻ പടിയിറങ്ങി

നീലേശ്വരം: പടന്നക്കാട് നെഹ്റു ആർട്സ് ആൻഡ് സയൻസ് കോളജ് പ്രിൻസിപ്പൽ ഡോ. ടി. വിജയൻ വിരമിച്ചു. 1988ൽ സ്​റ്റാറ്റിസ്​റ്റിക്സ് വിഭാഗം അധ്യാപകനായി ജോലിയിൽ പ്രവേശിച്ച ഇദ്ദേഹം 32 വർഷത്തെ സേവനത്തിന​ുശേഷമാണ് വിരമിച്ചത്. 2018ലാണ് പ്രിൻസിപ്പലായത്. നെഹ്റു കോളജിലെ പൂർവവിദ്യാർഥികൂടിയാണ്​. 2008ൽ കണ്ണൂർ സർവകലാശാലയിൽനിന്ന്​ പിഎച്ച്.ഡി നേടി. സർവകലാശാല ബിരുദ, ബിരുദാനന്തര ബിരുദ ബോർഡ് ഓഫ് സ്​റ്റഡീസ് അംഗമായിട്ടുണ്ട്​. പൂർവവിദ്യാർഥി സംഘടന പ്രസിഡൻറ്​ രാഘവൻ കുളങ്ങരയുടെ അധ്യക്ഷതയിൽ നടന്ന യാത്രയയപ്പ് പരിപാടിയിൽ ഉപഹാരം സമർപ്പിച്ചു. ജനറൽ സെക്രട്ടറി നന്ദകുമാർ കോറോത്ത്, വി. ശബരീനാഥൻ, സി.പി. രാജീവൻ എന്നിവർ സംസാരിച്ചു.