മയക്കുമരുന്ന് സംഘത്തിൽപ്പെട്ട പ്രതി അറസ്റ്റിൽ

കാഞ്ഞങ്ങാട്: മയക്കുമരുന്ന് വിതരണ സംഘത്തിലെ കണ്ണി കാഞ്ഞങ്ങാട്ട് അറസ്റ്റിൽ. ഓപറേഷൻ ക്ലീൻ കാസർകോടിന്റെ ഭാഗമായി നടത്തിയ പരിശോധനയിലാണ് മയക്കുമരുന്ന് മൊത്ത വിതരണ സംഘത്തിലെ കണ്ണി ഞാണിക്കടവിലെ കെ. അർഷാദ് (32) പിടിയിലായത്. മാനഭംഗം, മോഷണം, മയക്കു മരുന്ന് കടത്ത്, അടിപിടി എന്നിവയുമായി ബന്ധപ്പെട്ട് ഹോസ്ദുർഗ്, നീലേശ്വരം, പയ്യന്നൂർ സ്റ്റേഷനുകളിൽ പത്തിലധികം കേസുകളുണ്ടെന്ന് പൊലീസ് പറഞ്ഞു. കാഞ്ഞങ്ങാട് ഡിവൈ.എസ്.പി. പി. ബാലകൃഷ്ണൻ നായരുടെ സ്‌ക്വാഡ് അംഗമായ ഹോസ്ദുർഗ് എസ്.ഐ ശരത്തിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.