കുഞ്ഞികൃഷ്ണന് വിദ്യാലയത്തിന്റെ ആദരം

പടന്ന: 'ന്നാ താൻ കേസ് കൊട്' എന്ന സിനിമയിലെ പ്രകടനത്തിലൂടെ ശ്രദ്ധ നേടിയ കുഞ്ഞികൃഷ്ണന് താൻ മുമ്പ് അധ്യാപകനായി ജോലി ചെയ്ത ഉദിനൂർ എ.യു.പി സ്കൂളിന്റെ സ്നേഹാദരം. പടന്ന ഗ്രാമപഞ്ചായത്ത് പ്രസിഡന്റ്‌ മുഹമ്മദ്‌ അസ്‌ലം അധ്യക്ഷത വഹിച്ച ചടങ്ങിൽ തിരക്കഥാകൃത്ത് വിജേഷ് വിശ്വം ഉപഹാരം കൈമാറി. കുഞ്ഞിക്കോരൻ, കെ. രാഘവൻ, പി.ടി.എ പ്രസിഡന്റ്‌ രഞ്ജിത്ത് തുടങ്ങിയവർ സംസാരിച്ചു. പ്രധാന അധ്യാപിക കൈരളി സ്വാഗതവും ശ്രീധരൻ നമ്പൂതിരി നന്ദിയും പറഞ്ഞു. ഉദിനൂർ എ.യു.പി സ്കൂളിൽ നടന്ന സ്നേഹാദരം പരിപാടിയിൽ കുഞ്ഞികൃഷ്ണൻ സംസാരിക്കുന്നു