എൽ.ഡി.എഫ് ഹെഡ് പോസ്റ്റ് ഓഫിസിലേക്ക് മാർച്ചും ധർണയും നടത്തി

കാഞ്ഞങ്ങാട്: ജി.എസ്.ടി കൊള്ള അവസാനിപ്പിക്കുക, ഇ.ഡിയുടെ രാഷ്ട്രീയ ദുരുപയോഗം നിർത്തുക തുടങ്ങിയ ആവശ്യങ്ങൾ ഉന്നയിച്ച് എൽ.ഡി.എഫ് ജില്ല കമ്മിറ്റി കാഞ്ഞങ്ങാട് ഹെഡ് പോസ്റ്റ് ഓഫിസിലേക്ക് മാർച്ചും ധർണയും നടത്തി. ഇ. ചന്ദ്രശേഖരൻ എം.എൽ.എ ഉദ്ഘാടനം ചെയ്തു. കേരള കോൺ എം ജില്ല പ്രസിഡന്റ് കുര്യാക്കോസ് പ്ലാപ്പറമ്പിൽ അധ്യക്ഷത വഹിച്ചു. എൻ.സി.പി ജില്ല സെക്രട്ടറി കരീം ചന്തേര, പി.പി. രാജു (ജെ.ഡി.എസ്), അസീസ് കടപ്പുറം(ഐ.എൻ.എൽ), ടി.വി. ബാലകൃഷ്ണൻ (എൽ.ജെ.ഡി,), ടി.വി. നന്ദകുമാർ (കേരള കോൺഗ്രസ് ബി). ടി.വി. വിജയൻ (കോൺഗ്രസ് എസ്), സണ്ണി അരമന (ജനാധിപത്യ കേരള കോൺഗ്രസ്.), കെ.വി. കുഞ്ഞിരാമൻ, കെ. കുഞ്ഞിരാമൻ (സി.പി.എം), ബങ്കളം കുഞ്ഞികൃഷ്ണൻ, സി.പി. ബാബു (സി.പി.ഐ) എന്നിവർ സംസാരിച്ചു. വി.വി. രമേശൻ സ്വാഗതം പറഞ്ഞു. പടംKNHD1.JPGഎൽ.ഡി.എഫ് ജില്ല കമ്മിറ്റി കാഞ്ഞങ്ങാട് ഹെഡ് പോസ്റ്റ് ഓഫിസിലേക്ക് നടത്തിയ മാർച്ചും ധർണയും ഇ. ചന്ദ്രശേഖരൻ എം.എൽ.എ ഉദ്ഘാടനം ചെയ്യുന്നു