ഉദയമംഗലം ക്ഷേത്രത്തില്‍ 'നിറ' ഉത്സവം

ഉദുമ: ഉദുമ നടത്തി. മേല്‍ശാന്തി ബ്രഹ്‌മശ്രീ രാജഗോപാല ഒക്കുന്നായുടെ കാര്‍മികത്വത്തിലാണ് 'നിറ' നടത്തിയത്. നെല്‍ക്കതിരിനുപുറമെ നാൽപാമരത്തില്‍പെട്ട ഔഷധ സസ്യങ്ങളായ അത്തി, ഇത്തി, ആൽ, അരയാല്‍ എന്നിവയും പ്ലാവ്, മാവ്, വട്ടയില, നെല്ലി, മുള, തുളസി, പൊലിവള്ളി എന്നീ നിറക്കോപ്പുകള്‍ തിരുമുറ്റത്ത് കലശാട്ട് കര്‍മങ്ങള്‍ പൂര്‍ത്തിയാക്കി ഇവ വാഴയിലയില്‍വെച്ച് ചുരുട്ടിക്കെട്ടി പാന്തംകൊണ്ട് കെട്ടിയ ശേഷം ക്ഷേത്രങ്ങളിലെ നിശ്ചിത ഇടങ്ങളില്‍ ബന്ധിച്ചു. ചടങ്ങിനെത്തിയ വിശ്വാസികള്‍ ലഭ്യതയനുസരിച്ച് വീടുകളിലേക്കും ഇവ കൊണ്ടുപോകും. ക്ഷേത്ര പ്രസിഡന്റ് കെ.വി. ബാലകൃഷ്ണന്‍ ഉദയമംഗലം, ജനറല്‍ സെക്രട്ടറി വി. കുഞ്ഞിരാമന്‍, വൈസ് പ്രസിഡന്റ് ഗോപാലന്‍ കുറുക്കന്‍കുന്ന്, ബാബു പ്രതാപന്‍, ടി.വി. കുമാരന്‍, അനീഷ് പണിക്കര്‍ തുടങ്ങിയവർ പങ്കെടുത്തു.