ചൂതാട്ടത്തിലേർപ്പെട്ടവർ പിടിയിൽ

കാഞ്ഞങ്ങാട്: ചൂതാട്ടത്തിലേർപ്പെട്ട ഒരാൾ പിടിയിൽ. രണ്ടുപേർ പൊലീസിനെക്കണ്ട് കടന്നുകളഞ്ഞു. കൊവ്വൽപള്ളി സ്വദേശി ടി. മൊയ്തുവാണ് (61) പിടിയിലായത്. പ്രകാശനും മറ്റൊരാളുമാണ് കടന്നുകളഞ്ഞത്. ഇവരിൽനിന്ന് 2000 രൂപ പിടിച്ചു. ഗുരു വനം കേന്ദ്ര വിദ്യാലയത്തിന് സമീപം ചൂതാട്ടത്തിലേർപ്പെട്ട ഇവരെ ഹോസ്ദുർഗ് എസ്.ഐ കെ.പി.സതീഷാണ് പിടികൂടിയത്. പുഴക്കരയിൽ ചൂതാട്ടത്തിലേർപ്പെട്ട മൂന്നുപേരെ രാജപുരം പൊലീസ് പിടികൂടി. കള്ളാർ സ്വദേശികളായ കെ.വി. റെനിൽ (37), പ്രകാശ് (42), എരിഞ്ഞിലങ്കോട്ടെ പി.ആർ.സുരേഷ് (44) എന്നിവരാണ് പിടിയിലായത്. കോളിച്ചാൽ പുഴവക്കിൽ ചൂതാട്ടത്തിനിടെ പിടികൂടുകയായിരുന്നു. 2400 രൂപ പിടിച്ചെടുത്തു.