അനുമോദന സദസ്സ്

ഉദുമ: എ.കെ.ജി സ്മാരക വായനശാല പെരുമ്പള കുണ്ടടുക്കത്തിന്റെ നേതൃത്വത്തിൽ സംഘടിപ്പിച്ചു. നെൽവയൽ സംരക്ഷണ സമിതിയിലേക്ക് തെരഞ്ഞെടുക്കപ്പെട്ട പി. വിജയൻ ഒയ്യണ്ടം, പ്രദേശത്തെ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നതവിജയം നേടിയ വിദ്യാർഥികളെയുമാണ് അനുമോദിച്ചത്. ലൈബ്രറി കൗൺസിൽ താലൂക്ക് വൈസ് പ്രസിഡന്റ് രാഘവൻ വലിയവീട് ഉദ്ഘാടനം ചെയ്തു. വായനശാല പ്രസിഡന്റ് എം.വി. ബാലൻ അധ്യക്ഷത വഹിച്ചു. ലൈബ്രറി കൗൺസിൽ ജില്ല എക്സിക്യൂട്ടിവ് ഡോ. വിനോദ് കുമാർ പെരുമ്പള, രക്ഷാധികാരി ടി. വിനോദ് കുമാർ, എം. കുഞ്ഞിക്കണ്ണൻ നമ്പ്യാർ, എ. രാഘവൻ, എസ്.വി. അശോക് കുമാർ എന്നിവർ സംസാരിച്ചു. സെക്രട്ടറി കെ. രതീഷ് സ്വാഗതവും സുരേഷ് മണി നന്ദിയും പറഞ്ഞു.