പുരസ്കാരം സമ്മാനിച്ചു

ചെറുവത്തൂർ: ജീവകാരുണ്യപ്രവർത്തകനും ഭിന്നശേഷി കുട്ടികളുടെ അധ്യാപകനുമായിരുന്ന സി. രാമകൃഷ്ണന്റെ സ്മരണക്ക് കൊടക്കാട് കണ്ണാടിപ്പാറ സൈമൺ ബ്രിട്ടോ ട്രസ്റ്റ് ഏർപ്പെടുത്തിയ പുരസ്കാരം കോഴിക്കോട് ഓമശ്ശേരിയിലെ പി.കെ. പ്രജീഷ് ഏറ്റുവാങ്ങി. കണ്ണാടിപ്പാറയിൽ സംഘടിപ്പിച്ച പരിപാടിയിൽ എം. രാജഗോപാലൻ എം.എൽ.എ 10,000 രൂപയും പ്രശസ്തിപത്രവും സമ്മാനിച്ചു. ട്രസ്റ്റ് ചെയർമാൻ സി.വി. ശരത് അധ്യക്ഷത വഹിച്ചു. പ്രദീപ് കൊടക്കാട് അനുസ്മരണ പ്രഭാഷണം നടത്തി. പഞ്ചായത്തംഗം പി. പ്രമീള, കനിവ് പാലിയേറ്റിവ് ജില്ല സെക്രട്ടറി പി.പി. സുകുമാരൻ, സി.പി.എം കൊടക്കാട് നോർത്ത് ലോക്കൽ സെക്രട്ടറി പി.പി. ചന്ദ്രൻ എന്നിവർ സംസാരിച്ചു. ട്രസ്റ്റ് കൺവീനർ സി. സുധീർ സ്വാഗതവും കെ. കൃപേഷ് നന്ദിയും പറഞ്ഞു. പടം.. സൈമൺ ബ്രിട്ടോ ട്രസ്റ്റ് ഏർപ്പെടുത്തിയ പുരസ്കാരം പി.കെ. പ്രജീഷിന് എം. രാജഗോപാലൻ എം.എൽ.എ സമ്മാനിക്കുന്നു