പോഷക ബാല്യം പദ്ധതി

കാഞ്ഞങ്ങാട്: പോഷകബാല്യം പദ്ധതി വഴി അംഗൻവാടികളിൽ കുട്ടികൾക്ക് പാൽ, മുട്ട എന്നിവ നൽകുന്ന പദ്ധതിയുടെ അജാനൂർ പഞ്ചായത്തുതല ഉദ്ഘാടനം സെന്റർ നമ്പർ 38 വേലാശ്വരം അംഗൻവാടിയിൽ നടന്നു. അജാനൂർ പഞ്ചായത്ത് പ്രസിഡന്റ് ടി. ശോഭ കുട്ടികൾക്ക് പാൽ നൽകി ഉദ്ഘാടനം നിർവഹിച്ചു. മുൻ മെംബറും എ.എൽ.എം.എസ്.സി അംഗവുമായ വി. ഓമന അധ്യക്ഷത വഹിച്ചു. അജാനൂർ കുടുംബശ്രീ സി.ഡി.എസ് ചെയർപേഴ്സൻ എം.വി. രത്ന, പി. കൃഷ്ണൻ എന്നിവർ സംസാരിച്ചു. ഐ.സി.ഡി.എസ് സൂപ്പർവൈസർ കെ.വി. ഗൗരിശ്രീ സ്വാഗതവും അംഗൻവാടി വർക്കർ കെ.വി. രാഗിണി നന്ദിയും പറഞ്ഞു.