കണ്ടൽ കാടുകളുടെ സംരക്ഷണ ശിൽപശാല നടത്തി

കാസർകോട്: റീബിൽഡ് കേരളയുടെ ഭാഗമായി കണ്ടൽക്കാടുകളുടെ സംരക്ഷണവും പരിപാലനവും ലക്ഷ്യമിട്ട് കേരള വനം വന്യജീവി വകുപ്പും, കേരള വന ഗവേഷണ സ്​ഥാപനം പീച്ചിയും കാസർകോട് നഗരസഭയും സംയുക്തമായി ഏകദിന ശിൽപശാല സംഘടിപ്പിച്ചു. ശിൽപശാലയിൽ കേരള വനഗവേഷണ സ്​ഥാപനത്തിലെ ഡോ. എസ്​. സന്ദീപ്, ഡോ. എ.വി. രഘു എന്നിവർ ക്ലാസുകൾ കൈകാര്യം ചെയ്തു. തീരദേശ പരിപാലന നിയമങ്ങൾ സംബന്ധിച്ച് കോസ്റ്റൽ സോൺ അതോറിറ്റി മുൻ മെമ്പർ സെക്രട്ടറി ഡോ. കെ.കെ. രാമചന്ദ്രൻ ശിൽപശാലയിൽ പങ്കെടുത്തവരുമായി സംവാദം നടത്തി. നഗരസഭാ വൈസ്​ ചെയർപേഴ്സൻ ഷംസീദ ഫിറോസ്​ അധ്യക്ഷത വഹിച്ചു. നഗരസഭാ ചെയർമാൻ അഡ്വ. വി.എം. മുനീർ ഉദ്ഘാടനം ചെയ്തു. വികസനകാര്യ സ്റ്റാന്റിങ് കമ്മിറ്റി ചെയർമാൻ അബ്ബാസ്​ ബീഗം, വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്സൻ രജനി. ആർ, ഹരിത കേരളമിഷൻ കോഓഡിനേറ്റർ എം.പി. സുബ്രണ്യൻ, നഗരസഭാ സെക്രട്ടറി എസ്​. ബിജു, ഡോ. സന്ദീപ് എന്നിവർ പങ്കെടുത്തു.