സൈബർ ചതിക്കുഴി തുറന്നുകാട്ടി ജനമൈത്രി പൊലീസിന്റെ 'തീക്കളി'

കാഞ്ഞങ്ങാട്: ഹോസ്ദുർഗ് ജനമൈത്രി പൊലീസിന്റെ നേതൃത്വത്തിൽ അജാനൂർ ഇക്ബാൽ ഹയർ സെക്കൻഡറി സ്കൂളിൽ സൈബർ ചതിക്കുഴികളെ തുറന്നുകാട്ടി 'തീക്കളി' നാടകം സംഘടിപ്പിച്ചു. കേരള പൊലീസിന്റെ ജനമൈത്രി ഡ്രാമ ടീം ആണ് നാടകം അവതരിപ്പിച്ചത്. അജാനൂർ ഗ്രാമപഞ്ചായത്ത്‌ പ്രസിഡന്റ്‌ ടി. ശോഭ ഉദ്ഘാടനം നിർവഹിച്ചു. സ്കൂൾ ചെയർമാൻ എം.ബി.എം. അഷ്റഫ് അധ്യക്ഷത വഹിച്ചു. സബ് ഇൻസ്‌പെക്ടർ കെ. രാജീവൻ, കാഞ്ഞങ്ങാട് മുസ്ലിം യതീംഖാന പ്രസിഡന്റ്‌ കുഞ്ഞബ്ദുല്ല ഹാജി, പ്രിൻസിപ്പൽ പി.വി. സുധ, ഹെഡ്മാസ്റ്റർ ആർ. അസീസ് എന്നിവർ സംസാരിച്ചു. സബ് ഇൻസ്‌പെക്ടർ ലതീഷ്, എ.എസ്.ഐ സുഭാഷ്, ജനമൈത്രി ബീറ്റ് ഓഫിസർമാരായ രഞ്ജിത്ത് കുമാർ, ടി.വി. പ്രമോദ്, സിവിൽ പൊലീസ് ഓഫിസർ ഇബ്രാഹിം കുട്ടി എന്നിവർ സംബന്ധിച്ചു.