ജനമൈത്രി പൊലീസിന്റെ 'തീക്കളി'

നീലേശ്വരം: സംസ്ഥാനത്തുടനീളം പര്യടനം നടത്തുന്ന ജനമൈത്രി പൊലീസ് ഡ്രാമാ ടീമിന്റെ, മൊബൈൽ അഡിക്ഷനെക്കുറിച്ചും സോഷ്യൽ മീഡിയ ദുരുപയോഗത്തെക്കുറിച്ചും സൈബർ ചതിക്കുഴികളെക്കുറിച്ചുമുള്ള ബോധവത്കരണ നാടകമായ തീക്കളിയുടെ അവതരണം നീലേശ്വരം ജനമൈത്രി പൊലീസിന്റെ നേതൃത്വത്തിൽ നീലേശ്വരം രാജാസ് ഹയർ സെക്കൻഡറി സ്കൂളിൽ അരങ്ങേറി. കാഞ്ഞങ്ങാട് ഡിവൈ.എസ്.പി ഡോ. വി. ബാലകൃഷ്ണൻ ഉദ്ഘാടനം ചെയ്തു. പ്രധാനാധ്യാപിക കലാശ്രീധർ അധ്യക്ഷത വഹിച്ചു. പി.ടി.എ പ്രസിഡന്റ് മഡിയൻ ഉണ്ണികൃഷ്ണൻ, നീലേശ്വരം സബ് ഇൻസ്പെക്ടർ ശ്രീജേഷ്, ജനമൈത്രി അസി. നോഡൽ ഓഫിസർ ലതീഷ്, സുഭാഷ്, ജനമൈത്രി ബീറ്റ് ഓഫിസർ എം. ശൈലജ, രൂപേഷ് മാസ്റ്റർ, നീലേശ്വരം ഇൻസ്പെക്ടർ കെ.പി. ശ്രീഹരി, ജനമൈത്രി ബീറ്റ് ഓഫിസർ പ്രദീപൻ കോതോളി എന്നിവർ സംസാരിച്ചു. നജ്മുദ്ദീൻ, സുധർമൻ, സോൾവിൻ, രതീഷ്, സുനിൽകുമാർ, നിസാറുദ്ദീൻ, സുഭാഷ് കുമാർ, ഷംനാദ്, ശരത്, നിമി രാധാകൃഷ്ണൻ, ആര്യാദേവി എന്നിവർ നാടക ടീമിൽ അംഗങ്ങളാണ്. ജില്ലയിൽ ജൂൺ 26വരെ വിവിധ സ്കൂളുകളിൽ നാടകം അവതരിപ്പിക്കും.