പ്രവാചകനിന്ദ, ബുൾഡോസർ രാജ്: ഐ.എൻ.എൽ പ്രതിഷേധ സംഗമം സംഘടിപ്പിച്ചു

കാസർകോട്: കേന്ദ്ര സർക്കാറിന്റെ തണലിൽ സംഘ്പരിവാർ നടത്തുന്ന പ്രവാചകനിന്ദക്കെതിരെയും ഉത്തരേന്ത്യയിൽ നടന്നുകൊണ്ടിരിക്കുന്ന ബുൾഡോസർ രാജിനെതിരെയും ഐ.എൻ.എൽ മണ്ഡലം കമ്മിറ്റി പ്രതിഷേധ സംഗമം സംഘടിപ്പിച്ചു. പുതിയ ബസ് സ്റ്റാൻഡ് പരിസരത്ത് നടന്ന പ്രതിഷേധ സംഗമം ജില്ല ജനറൽ സെക്രട്ടറി അസീസ് കടപ്പുറം ഉദ്ഘാടനം ചെയ്തു. മണ്ഡലം പ്രസിഡന്റ് എൻ.എ. മഹമൂദ് അധ്യക്ഷത വഹിച്ചു. എൻ.എൽ.യു സംസ്ഥാന ജനറൽ സെക്രട്ടറി സി.എം.എ. ജലീൽ മുഖ്യപ്രഭാഷണം നടത്തി. മുസ്തഫ തോരവളപ്പ്, ഷാഫി സന്തോഷ് നഗർ, എൻ.എം. അബ്ദുല്ല, ടി.എസ്. ഗഫൂർ ഹാജി, ഹനീഫ് കടപ്പുറം, ഹൈദർ കുളങ്കര, സിദ്ദീഖ് ചെങ്കള എന്നിവർ സംസാരിച്ചു. ഖലീൽ എരിയാൽ സ്വാഗതവും അശ്റഫ് കാരക്കോട് നന്ദിയും പറഞ്ഞു. INL പ്രവാചകനിന്ദക്കും ബുൾഡോസർ രാജിനുമെതിരെ ഐ.എൻ.എൽ പ്രതിഷേധ സംഗമം ജില്ല ജനറൽ സെക്രട്ടറി അസീസ് കടപ്പുറം ഉദ്ഘാടനം ചെയ്യുന്നു