ആയുർവേദ ക്യാമ്പും ബോധവത്കരണ ക്ലാസും നടത്തി

തൃക്കരിപ്പൂർ: ഉദിനൂർ തടിയൻ കൊവ്വൽ കൈരളി ഗ്രന്ഥാലയം പടന്ന ആയുർവേദ ആശുപത്രിയുടെ സഹകരണത്തോടെ ആയുർവേദ ക്യാമ്പും മഴക്കാലരോഗ ബോധവത്കരണ ക്യാമ്പും സംഘടിപ്പിച്ചു. മെഡിക്കൽ ഓഫിസർ കെ.വി. നിഷ ക്ലാസെടുത്തു. ഗ്രന്ഥാലയം പ്രസിഡൻറ് സി.ടി. കൃഷ്ണൻ അധ്യക്ഷത വഹിച്ചു. ഡോ. ഹിമ, ഡോ. നിഷ എന്നിവർ രോഗികളെ പരിശോധിച്ചു. മരുന്നിനു പുറമെ എല്ലാവർക്കും ധൂപചൂർണവും വിതരണം ചെയ്തു. സെക്രട്ടറി എ. ബാബുരാജ് സ്വാഗതവും പി.പി. കരുണാകരൻ നന്ദിയും പറഞ്ഞു.