മുളിയാറില്‍ റിങ് കമ്പോസ്റ്റ് വിതരണം

കാസർകോട്: മാലിന്യമുക്ത പഞ്ചായത്തെന്ന ലക്ഷ്യത്തിന് മുളിയാര്‍ ഗ്രാമപഞ്ചായത്തില്‍ റിങ് കമ്പോസ്റ്റുകള്‍ വിതരണം ചെയ്തു. ഗ്രാമപഞ്ചായത്ത് പ്രസിഡന്റ് പി.വി. മിനി വിതരണോദ്ഘാടനം നിര്‍വഹിച്ചു. വൈസ് പ്രസിഡന്റ് എ. ജനാർദനന്‍ അധ്യക്ഷത വഹിച്ചു. ശുചിത്വ മിഷന്‍ പദ്ധതിയില്‍ ഉള്‍പ്പെടുത്തി പതിമൂന്നര ലക്ഷം ചെലവഴിച്ച് നിര്‍മിച്ച റിങ് കമ്പോസ്റ്റുകളാണ് വിതരണം ചെയ്തത്. 250 രൂപക്ക് രണ്ട് കമ്പോസ്റ്റുകള്‍ വീതം പഞ്ചായത്തില്‍ 488 പേര്‍ക്ക് നല്‍കി. എ.ഇ.ഒ അരുണ്‍ കുമാര്‍, പഞ്ചായത്ത് വികസനകാര്യ സ്ഥിരംസമിതി ചെയര്‍പേഴ്‌സൻ റൈസ റാഷിദ്, ക്ഷേമകാര്യ സ്ഥിരംസമിതി ചെയര്‍മാന്‍ ഇ. മോഹനന്‍, വിദ്യാഭ്യാസ സ്ഥിരംസമിതി ചെയര്‍പേഴ്‌സൻ അനീസ മന്‍സൂര്‍, പഞ്ചായത്ത് അംഗങ്ങളായ പി.എസ്. അബ്ദുല്‍ ജുനൈദ്, അബ്ബാസ്, മുഹമ്മദ് കുഞ്ഞി, എം. എനന്യ, എ. ശ്യാമള, സി. നാരായണിക്കുട്ടി, വി. സത്യവതി എന്നിവര്‍ സംസാരിച്ചു.