കാഞ്ഞങ്ങാട് ബ്ലോക്കിലും സൈക്കിള്‍ റാലി

കാഞ്ഞങ്ങാട്: ലോക സൈക്ലിങ് ദിനത്തില്‍ നെഹ്റു യുവ കേന്ദ്രയും കാസര്‍കോട് പെഡല്ലേഴ്സ് സൈക്കില്‍ അസോസിയേഷനും ചേർന്ന് കാഞ്ഞങ്ങാട് സൈക്കിള്‍ റാലി സംഘടിപ്പിച്ചു. നഗരസഭ ചെയര്‍പേഴ്സൻ കെ.വി. സുജാത റാലി ഫ്ലാഗ്ഓഫ് ചെയ്തു. നഗരസഭ കൗണ്‍സിലര്‍ വി.വി. രമേശന്‍ അധ്യക്ഷത വഹിച്ചു. ആലാമിപ്പള്ളി ബസ് സ്റ്റാന്‍ഡ് പരിസരത്തുനിന്ന് ആരംഭിച്ച റാലി മഡിയനില്‍ സമാപിച്ചു. ബാബു മയൂരി, നെഹ്റു യുവകേന്ദ്ര പ്രോജക്ട് മാനേജര്‍ ശ്രീജിത്ത് എന്നിവര്‍ സംസാരിച്ചു. നെഹ്റു യുവകേന്ദ്ര ജില്ല യൂത്ത് ഓഫിസര്‍ പി. അഖില്‍ സ്വാഗതവും വളന്റിയര്‍ സനൂജ നന്ദിയും പറഞ്ഞു. ഫോട്ടോ: നെഹ്റു യുവകേന്ദ്രയും കാസര്‍കോട് പെഡല്ലേഴ്സ് സൈക്കില്‍ അസോസിയേഷനും ചേര്‍ന്ന് കാഞ്ഞങ്ങാട് സംഘടിപ്പിച്ച സൈക്കിള്‍ റാലി നഗരസഭ ചെയര്‍പേഴ്സൻ കെ.വി. സുജാത ഫ്ലാഗ്ഓഫ് ചെയ്യുന്നു വൃക്ഷസമൃദ്ധി ജില്ലതല ഉദ്ഘാടനം കാസർകോട്: വൃക്ഷസമൃദ്ധി പദ്ധതി മുഖേന ഉൽപാദിപ്പിച്ച വൃക്ഷത്തൈകളുടെ നടീല്‍പ്രവൃത്തികളുടെ ജില്ലതല ഉദ്ഘാടനം ജൂണ്‍ അഞ്ചിന് രാവിലെ 10.30ന് രാവണേശ്വരം ഗവ. ഹയര്‍ സെക്കന്‍ഡറി സ്‌കൂളില്‍ ഇ. ചന്ദ്രശേഖരന്‍ എം.എല്‍.എ നിര്‍വഹിക്കും.