കുടകൾ ചൂടി സ്‌കൂളിലേക്ക് ; വർണാഭമായി മുക്കൂട് സ്‌കൂളിലെ പ്രവേശനോത്സവം

കാഞ്ഞങ്ങാട്: വർണ്ണക്കുടകൾ ചൂടി കുരുന്നുകൾ , തലയിൽ വർണാഭമായ തൊപ്പികൾ , കൈയിൽ വിവിധ നിറങ്ങളിലുള്ള ബലൂണുകൾ , കൊഴുപ്പ് കൂട്ടാൻ ചെണ്ടമേളക്കാരുടെ അകമ്പടി . രക്ഷിതാക്കളുടെ കൈകൾ പിടിച്ച് കുരുന്നുകൾ സ്‌കൂളിന്റെ അങ്കണത്തിലേക്ക് നടന്നപ്പോൾ കണ്ടു നിന്നവർക്ക് കണ്ണിന് കുളിർമയേകുന്ന കാഴ്ചയായി മാറി മുക്കൂട് ഗവ. എൽ.പി സ്‌കൂളിലെ പ്രവേശനോത്സവം. വാർഡ് മെംബർ എം. ബാലകൃഷ്ണൻ പ്രവേശനോത്സവം ഉദ്‌ഘാടനം ചെയ്തു . പി.ടി.എ പ്രസിഡന്റ് റിയാസ് അമലടുക്കം അധ്യക്ഷത വഹിച്ചു. ബ്ലോക്ക് പഞ്ചായത്ത് മെംബർ എം.ജി. പുഷ്പ , വാർഡ് മെംബർ ഹാജിറ സലാം , ബേക്കൽ ഫോർട്ട് ലയൺസ് ക്ലബ് ഭാരവാഹികളായ എം.ബി. ഹനീഫ , ഗോവിന്ദൻ നമ്പൂതിരി , അജാനൂർ ലയൺസ് ക്ലബ് ഭാരവാഹികളായ സുനിൽ രാജ് , സി.പി. സുബൈർ , സുകുമാരൻ പൂച്ചക്കാട് , ഖിദ്മത്തുൽ ഇസ്‍ലാം ചാരിറ്റി സെന്റർ ഭാരവാഹികളായ ഫൈസൽ മുക്കൂട് , മുഹമ്മദ് കുഞ്ഞി മീത്തൽ , എസ്.എഫ്.ഐ കാഞ്ഞങ്ങാട് ഏരിയ സെക്രട്ടറി അനീഷ് ചിത്താരി , ഡി.വൈ.എഫ്.ഐ കുന്നത്ത്കടവ് യൂനിറ്റ് സെക്രട്ടറി അഭിലാഷ് , ഐ.എൻ.എൽ പ്രതിനിധി ഹമീദ് മുക്കൂട് എന്നിവർ സംസാരിച്ചു. ചടങ്ങിന് ധനുഷ് മാഷ് സ്വാഗതവും സുജിത ടീച്ചർ നന്ദിയും പറഞ്ഞു. പടം: ks skb9 mukkood school അജാനൂർ മുക്കൂട് ഗവ.എൽ.പി സ്കൂളിൽ നടന്ന പ്രവേശനോത്സവം