സർക്കാർ ഉത്തരവാദി - വെൽഫെയർ പാർട്ടി

കാഞ്ഞങ്ങാട് : എൻഡോസൾഫാൻ രോഗികളുടെ പുനരധിവാസ പദ്ധതിയിൽ സർക്കാർ കാണിച്ച വീഴ്ചയാണ് അമ്മയുടെയും മകളുടെയും ദാരുണമായ അന്ത്യത്തിലൂടെ വെളിവാകുന്നതെന്ന് വെൽഫെയർ പാർട്ടി ജില്ല കമ്മിറ്റി കുറ്റപ്പെടുത്തി. പുനരധിവാസ പദ്ധതികൾ ആവിഷ്കരിക്കുന്നതിൽ നിസ്സംഗത കാണിച്ച സർക്കാർ തന്നെയാണ് ഒന്നാം പ്രതി. സർക്കാർ ഭീകരതയുടെ ഇരകളായ എൻഡോസൾഫാൻ രോഗികളോട് ഇനിയെങ്കിലും സർക്കാർ കാരുണ്യം കാണിക്കേണ്ടതുണ്ടെന്നും പാർട്ടി കുറ്റപ്പെടുത്തി. സംസ്ഥാന കമ്മിറ്റി അംഗം സി.എച്ച്. മുത്തലിബ്, സി.എച്ച്. ബാലകൃഷ്ണൻ (ജില്ല വൈസ് പ്രസി. ), എം. ഷഫീഖ് (എഫ്.ഐ.ടി.യു ജില്ല സെക്ര.), എഫ്.ഐ.ടി.യു ജില്ല കമ്മിറ്റി അംഗം വി.എം. മുഹമ്മദ് അലി എന്നിവർ ചാമുണ്ഡിക്കുന്ന് സ്കൂളിലെത്തി അനുശോചനം രേഖപ്പെടുത്തി.