കരിന്തളത്തും നീലേശ്വരം വാഹനാപകടം

നീലേശ്വരം: എടത്തോട് റോഡിൽ ചായ്യോത്തും കരിന്തളത്തും നീലേശ്വരം കരുവാച്ചേരിയിലും വാഹനാപകടങ്ങൾ. കരിന്തളം ഗവ. കോളജ് റോഡിൽ നിയന്ത്രണംവിട്ട കാർ മരത്തിൽ ഇടിച്ചു. കാറിന്റെ മുൻഭാഗം തകർന്നു. പരിക്കേറ്റ ഡ്രൈവറെ നാട്ടുകാർ നീലേശ്വരത്തെ ആശുപത്രിയിൽ എത്തിച്ചു. ചായ്യോത്ത് ബൈക്കും കാറും കൂട്ടിയിടിച്ചാണ് അപകടം. പരിക്കേറ്റവരെ ആശുപത്രിയിൽ പ്രവേശിപ്പിച്ചു. നീലേശ്വരം കരുവാച്ചേരിയിൽ നിയന്ത്രണംവിട്ട കണ്ടെയ്നർ മറിഞ്ഞു. കണ്ണൂർ ഭാഗത്തേക്ക് പോകുകയായിരുന്ന കണ്ടെയ്നർ ലോറിയാണ് അപകടത്തിൽപെട്ടത്. നീലേശ്വരം എടത്തോട് റോഡിൽ കരിന്തളം, ചായ്യോം, ചായ്യോത്ത്, നരിമാളം എന്നിവിടങ്ങളിൽ രണ്ടുമാസത്തിനകം നാലോളം അപകടങ്ങൾ നടന്നു. പുതുതായി മെക്കാഡം ചെയ്ത റോഡിൽ വേഗനിയന്ത്രണത്തിന് നടപടി സ്വീകരിക്കണമെന്ന് നാട്ടുകാർ ആവശ്യപെട്ടു.